REA.AM - ՀԱՅՏԱՐԱՐՈՒԹՅՈՒՆՆԵՐԻ ԿԱՅՔ :: ԱՆՇԱՐԺ ԳՈՒՅՔ
REA.AM - ՀԱՅՏԱՐԱՐՈՒԹՅՈՒՆՆԵՐԻ ԿԱՅՔ
REA.AM - ՀԱՅՏԱՐԱՐՈՒԹՅՈՒՆՆԵՐԻ ԿԱՅՔ
ԱՆՇԱՐԺ ԳՈՒՅՔ ՇԱՐԺԱԿԱՆ ԳՈՒՅՔ ԱՇԽԱՏԱՆՔ ԾԱՌԱՅՈՒԹՅՈՒՆՆԵՐ
 
հայերենenglishрусский
  Էլ. փոստ
. . .
 
Որոնում     Ընդլայնված որոնում
Ծածկանուն 
Գաղտնաբառ 

Գրանցվել
Մոռացե՞լ եք գաղտնաբառը
 
. . .
Նորություններ

1-5 | 6-10 | 11-15 | 16-20 | 21-25 | 26-30 | 31-35 | 36-40 | 41-45 | 46-50 | 51-55 | 56-60 | 61-65 | 66-70 | 71-75 | 76-80 | 81-85 | 86-90 | 91-95 | 96-100 | 101-105 | 106-110 | 111-115 | 116-120 | 121-125 | 126-130 | 131-135 | 136-140 | 141-145 | 146-150 | 151-155 | 156-160 | 161-165 | 166-170 | 171-175 | 176-180 | 181-185 | 186-190 | 191-195 | 196-200 | 201-205 | 206-210 | 211-215 | 216-220 | 221-225 | 226-230 | 231-235 | 236-240 | 241-245 | 246-250 | 251-255 | 256-260 | 261-265 | 266-270 | 271-275 | 276-280 | 281-285 | 286-290 | 291-295 | 296-300 | 301-305 | 306-310 | 311-315 | 316-318

10/06/2011
Նորություն մեր գործընկերներից. Հայաստանի ապահովագրողների բյուրոյի և Ճանապարհային ոստիկանության համատեղ հայտարություն

ՀՀ Կառավարության 2011 թվականի ապրիլի 21-ի թիվ 618-Ն որոշման համաձայն մինչև 2011 թվականի հուլիսի 1-ը տրանսպորտային միջոցը հաշվառումից ժամանակավոր հանելու կամ խոտանման կապակցությամբ  հաշվառումից հանելու դիմում ներկայացվելու դեպքում տրանսպորտային միջոցը հաշվառումից ժամանակավոր հանված է համարվում 2011 թվականի հունվարի 1-ից: Բացառություն է կազմում այն դեպքը, երբ նախքան դիմում ներկայացվելը տրանսպորտային միջոցի սեփականատիրոջ կամ այն օրինական հիմքով տիրապետող այլ անձի նկատմամբ նշանակվել է տուգանք տվյալ տրանսպորտային միջոցն առանց ԱՊՊԱ պայմանագիր ունենալու ընդհանուր օգտագործման ավտոմոբիլային ճանապարհներով վարելու կամ ԱՊՊԱ պայմանագիր չունենալու համար. տվյալ  դեպքում տրանսպորտային միջոցը հաշվառումից ժամանակավոր հանված է համարվում տուգանք նշանակելու մասին որոշման ընդունման օրվան հաջորդող օրվանից:

ՀՀ Կառավարության վերոհիշյալ որոշման կապակցությամբ Ճանապարհային ոստիկանությունը և Հայաստանի ավտոապահովագրողների բյուրոն տեղեկացնում են`

ՄԻՆՉԵՎ 2011 ԹՎԱԿԱՆԻ ՀՈՒԼԻՍԻ 1-Ը

հաշվառված ավտոտրանսպորտային միջոցներ ունեցող բոլոր այն քաղաքացիները, ովքեր առ այսօր ԱՊՊԱ պայմանագրեր չեն կնքել կամ կնքված ԱՊՊԱ պայմանագրի գործողության ժամկետն արդեն ավարտվել է, համապատասխան հաշվառման մարմիններում այդ ավտոտրանսպորտային միջոցները հաշվառումից ժամանակավոր հանելու դեպքում չեն վճարի ԱՊՊԱ պայմանագիր չունենալու համար օրենքով սահմանված տուգանքները: Ընդ որում հաշվառումից ժամանակավոր հանելու համար պարտադիր չէ ներկայացնել տրանսպորտային միջոցի նկատմամբ սեփականության իրավունքը հավաստող փաստաթղթեր. անհրաժեշտ է ներկայացնել միայն համապատասխան դիմում` կցելով ավտոտրանսպորտային միջոցի հաշվառման վկայագիրը և  հաշվառման համարանիշերը:

Հիշեցնում ենք նաև, որ ավտոտրանսպորտային միջոցները հաշվառումից ժամանա¬կավոր հանելու ու հաշվառումը վերականգնելու գործընթացներն անվճար են: 

Մանրամասների համար զանգահարել` 58-00-34, 58-00-43




02/06/2011
Նորություն. ԱՊՊԱ-ն ըստ հարցերին պատասխանողների 88 տոկոսի անհրաժեշտ էր հիմա կամ ավելի ուշ

Մայիսի երկրորդ կեսին www.rea.am -ը նախաձեռնել էր ԱՊՊԱ (Ավտոտրանսպորտային միջոցների օգտագործումից բխող պատասխանատվության պարտադիր ապահովագրության) գործընթացի վերաբերյալ հարցում, որը տեղադրվել էր մեր «Նորություն» տողում, ինչպես նաեւ հարցերն ուղարկվել էին մեր ունեցած ավելի քան 7 հազար էլեկտրոնային հասցեներին: Հարցման տեքստն ընթերցել էին այն ստացողների մոտ 5,5 հազարը կամ 80 տոկոսը (ըստ մեզ ուղարկված ծանուցումների), բայց հարցերին պատասխանել են միայն 402-ը կամ մոտ 6 տոկոսը: Այդ պատասխանների արդյունքներն ամփոփելուց հետո, ստացանք հետեւյալ պատկերը. 



Առաջին հարցին "Անհրաժեշտ էր ԱՊՊԱ (Ավտոտրանսպորտային միջոցների օգտագործումից բխող պատասխանատվության պարտադիր ապահովագրության) գործընթացի իրականացումը.

"Այո" պատասխանն են տվել 77 տոկոսը,

"Ոչ" պատասխանը` 12 տոկոսը,

"Այո, բայց ավելի ուշ" պատասխանը` 11 տոկոսը,

Ոչ ոք չէր պատասխանե "Այո, վաղուց էր պետք"

Ինչպես երեւում է, պատասխանողների գերակշիռ մեծամասնությունը` մոտ 88 տոկոսը, այն կարծիքին է, որ ԱՊՊԱ-ն անհրաժեշտ էր հիմա կամ ավելի ուշ: Միաժամանակ, 12 տոկոսի կարծիքով, այն անհրաժեշտ չէր: Օրինակ` մեր այցելուներից Գառնիկ Սահակյանն այն կարծիքին է, որ ավտոապահովագրությունը պետք է լինի կամավոր, այլ ոչ թե պարտադիր: Պարզապես տեղեկացնենք, որ պարտադիր ավտոապահովագրության դեպքում ավտոմեքենայի սեփականատերը պատասխանատվություն է ստանձնում իր կողմից երրորդ անձանց հասցրած վնասի համար, իսկ կամավորի դեպքում նա ապահովագրում է իր մեքենան տարբեր ռիսկերից: Այսինքն, դրանք ապահովա•րության տարբեր տեսակներ են:

Երկրորդ հարցին` "Տեղյակ եք ԱՊՊԱ-ի հետ կապված Ձեր իրավունքներին (եւ որպես ապահովադիր, եւ որպես հնարավոր տուժող).

"Այո" պատախանն են տվել 33 տոկոսը,

"Ոչ" պատասխանը` 11 տոկոսը,

"Մասամբ" պատասխանը` 56 տոկոսը

Այս հարցին  ՙՈչ" պատասխանողները առավելապես նախորդ հարցին բացասական պատասխանողներն են եղել:

Երրորդ հարցին  "Ում կդիմեք ԱՊՊԱ գործընթացում դժգոհություններ ունենալու դեպքում"

"Կենտրոնական բանկին" պատասխանն են տվել 26 տոկոսը,                   

"Ավտոապահովագրողների բյուրոյին"  29 տոկոսը,                    

"Ֆինանսական հաշտարարին" 37 տոկոսը,                                

"Հասարակական կազմակերպություններին" 8 տոկոսը

Ստացած պատասխանների կապակցությամբ հարկ ենք համարում մեկ անգամ եւս տեղեկացնել, որ, առաջին հերթին, ԱՊՊԱ գործընթացից դժգոհողները պետք է դիմեն Ավտոապահովագրողների բյորո: Այս կառույցի եւ ԱՊՊԱ գործընթացի մասին մանրամասներ իմանալու համար, մեկ անգամ եւս խորհուրդ ենք տալիս մեր կայքի "Շարժական գույք" բաժնում տեղակայված Ավտոապահովագրողների բյուրոյի բաններից այցելել այդ կառույցի կայք:

         

Վերջին, չորրորդ հարցին "Մեր կայքն օգնել է Ձեզ մանրամասներ իմանալ ԱՊՊԱ գործընթացի մասին"

"Այո"  պատասխանն են տվել 14 տոկոսը,

"Ոչ" պատասխանը` 48 տոկոսը,

"Մասամբ"  պատասխանը` 38 տոկոսը

Ուրախ ենք, որ մեր կայքից ԱՊՊԱ-ի մասին ամբողջովին կամ մասամբ  մանրամասներ է իմացել հարցերին պատասխանողների ավելի քան կեսը: Հիշեցնում ենք, որ այդ մանրամասներն այժմ էլ տեղադրված են  "Շարժական գույք"  բաժնի "Տեղեկատվական բազայում", իսկ նորությունների մասին առաջինը հայտնում ենք մեր կայքում` "Նորություն" տողում:

Նշենք նաեւ, որ չենք հավակնում այս հարցումը սոցոլոգիական հարցում համարել: Այն ներկայացնում է միայն մեր կայքի այցելուների մի մասի տեսակետները:

Շնորհակալություն ենք հայտնում մեր հարցման նկատմամբ հետաքրքություն ցուցաբերողներին եւ հատկապես մեր հարցերին պատասխանողներին:




28/05/2011
Նորություն մեր գործընկերներից.«ՙԱրարատբանկը» 2010-ի ամենաակտիվ թողարկող բանկը Հայաստանում

«ԱՐԱՐԱՏԲԱՆԿԸ» Վերակառուցման և Զարգացման Եվրոպական Բանկի (EBRD, ՎԶԵԲ) կողմից Միջազգային Առևտրի Խթանման ծրագրի (TFP) շրջանակում ճանաչվել է 2010թ.-ի ամենաակտիվ թողարկող բանկը Հայաստանում եւ ստացել TFP Award 2010 պատվավոր մրցանակը:

«ՙԱՐԱՐԱՏԲԱՆԿԸ» Վերակառուցման եւ Զարգացման Եվրոպական Բանկի հետ համատեղ իրականացնելով Միջազգային Առեւտրի Խթանման ծրագիրը (TFP), 2010-ին թողարկել է շուրջ 4 մլն դոլար ընդհանուր արժեքով փաստաթղթային գործիքներ` հինգ անգամ  գերազանցելով նախորդ տարվա ցուցանիշը: TFP ծրագրի շրջանակում ներդրվել է նաեւ նոր գործիք` Վերականգնվող վարկային պայմանագիր (RCA), որն ուղղված է ներմուծման գործարքների ֆինանսավորմանը:

Բանկի գործադիր տնօրեն Աշոտ Օսիպյանը, կարեւորելով Եվրոբանկի հետ համագործակցությունը, նշել է, որ բանկային ծառայությունների շուկայի բարձր մրցակցության պայմաններում, նման ձեռքբերումը հաճախորդների պահանջներն առավելագույնս ապահովելու հստակ ռազմավարության, նոր մոտեցումների եւ տեխնոլոգիաների կիրառման, ինստիտուցիոնալ բարեփոխումների արդյունք է:




26/05/2011
Նորություն. Հաստատվեց մեքենաների պետական գրանցման նոր կարգը

Կառավարության մայիսի 26-ի որոշմամբ ընդունվել է տրանսպորտային միջոցների պետական գրանցման նոր կարգը, որը նպատակ ունի պարզեցնել եւ թափանցիկ դարձնել այդ գործընթացը: Նոր կարգը կսկսի գործել 2011 թվականի նոյեմբերի 1-ից: Համաձայն նոր կարգի, մեքենաների հաշվառման գործողությունները, անկախ մեքենայի կամ նրա սեփականատիրոջ հաշվառման վայրից, իրականացվելու է ճանապարհային ոստիկանության վարչական մասի եւ տարածքային հաշվառման-քննական բոլոր ստորաբաժանումներում: Մեքենայի օտարման դեպքում, մեքենայի նախկին սեփականատիրոջ անվամբ գրանցումից եւ հաշվառումից հանելն ու նոր սեփականատիրոջ անվամբ սեփականության իրավունքը գրանցելն եւ հաշվառելը կատարվելու է միաժամանակ` նույն հաշվառման ստորաբաժանման կողմից:

Հաշվառման գործողությունները` սկսած քաղաքացու կողմից դիմելուց, վերջացրած հաշվառման համարանիշեր եւ հաշվառման վկայագիր տրամադրելը, իրականացվելու է մեկ հոսքագծով: Տրասնպորտային միջոցների հաշվառման, հաշվառումից հանելու եւ վերահաշվառման ժամանակ դիմումներ չեն պահանջվելու:

Սեփականության իրավունքի պետական գրանցման, ինչպես նաեւ միաժամանակ տրանսպորտային միջոցի սեփականության իրավունքի պետական գրանցման եւ պետական հաշվառման համար պարտադիր ներկայացվող փաստաթղթերի ցանկից կազմակերպությունների դեպքում հանվելու է դրանց պետական գրանցման վկայականը եւ պատճենները ներկայացնելուն վերաբերող դրույթները:

Նախատեսվում է տրանսպորտային միջոցի հաշվառման գործողությունների ժամանակ շարժիչի համարի ստուգման, ինչպես նաեւ տրանսպորտային միջոցի սեփականության իրավունքի պետական գրանցման վկայականում,  «Ժամանակավոր ներմուծում» մաքսային ռեժիմով Հայաստանի Հանրապետություն ներմուծված տրանսպորտային միջոցի հաշվառման վկայագրում շարժիչի համարի նախատեսմանը վերաբերող դրույթները հանել: Միաժամանակ, նախատեսվում է տրանսպորտային միջոցների հաշվառման ժամանակ հաշվառման վկայագրի շարժիչի համար նախատեսված դաշտը թողնել չլրացված:

Հիշեցնենք, որ մինչ այժմ գործող կարգի համաձայն, տրանսպորտային միջոցի սեփականատիրոջ փոփոխությամբ պայմանավորված` հաճախ նոր սեփականատերը ստիպված էր լինում տրանսպորտային միջոցը հաշվառումից հանելու եւ հաշվառելու գործողությունները կատարել ճանապարհային ոստիկանության տարբեր տարածքային հաշվառման-քննական ստորաբաժանումներում` կորցնելով ժամանակ եւ կատարելով ավելորդ ծախսեր` կապված մեկ ստորաբաժանումից մյուս ստորաբաժանում տրանսպորտային միջոցը տեղափոխելու համար ժամանակավոր հաշվառման համարանիշի համար պահանջվող պետական տուրքի վճարմամբ: Բացի այդ, մեքենայի նոր սեփականատերը ստիպված էր լինում մինչ տրանսպորտային միջոցի պետական գրանցումը, մեկ այլ ստորաբաժանումում գրանցումից եւ հաշվառումից հանել տրանսպորտային միջոցը, հետագայում ներկայացնել իր անվամբ պետական գրանցման եւ պետական հաշվառման: Ավելորդ ժամանակի կորուստ էր առաջացնում նաեւ ֆիզիկական անձանց հաշվառման վայրի կամ կազմակերպության գտնվելու վայրի փոփոխության հետ կապված տրանսպորտային միջոցի վերահաշվառումը: Իսկ տրանսպորտային միջոցների հաշվառման, վերահաշվառման եւ հաշվառումից հանելու դեպքերում բավականին ժամանակ  է պահանջվում տարբեր գործողությունների համար` սկսած հաշվառման գործողությունների կատարման համար դիմում ներկայացնելուց, վերջացրած հաշվառման համարանիշեր եւ օրեր անց հաշվառման վկայագիր տրամադրելը:



Մեքենաների գրանցման նոր կարգն իր մանրամասներով առաջիկայում կտեղադրենք «շարժական գույք» բաժնի «Տեղեկատվական բազայում»:







17/05/2011
Նորություն. Հարցում` Ձեր կարծիքը ԱՊՊԱ-ի մասին



   Ուրախ ենք տեղեկացնել, որ այսուհետ REA.AM-ը հարցումներ է անցկացնելու իր այցելուների, մեր էլեկտրոնային հասցեախմբում ընդգրկվածների եւ բոլոր հետաքրքրված անձանց հետ, պարզելու համար նրանց վերաբերմունքն ու մոտեցումները մեր կայքի 4 ոլորտների` անշարժ գույք, շարժական գույք, աշխատաշուկա եւ ծառայություններ, կարեւոր իրադարձությունների եւ հետաքրքրություն ներկայացնող տարբեր հարցերի վերաբերյալ:

Այս անգամ մեր հարցերն առչվում են  ԱՊՊԱ (Ավտոտրանսպորտային միջոցների օգտագործումից բխող պատասխանատվության պարտադիր ապահովագրության) գործընթացին: Ակնկալում ենք Ձեր ակտիվ մասնակցությունը եւ խնդրում պատասխանները լրացնելուց հետո, ուղարկել դրանք info@rea.am հասցեով: Հարցման արդյունքների մասին Ձեզ կտեղեկացնենք լրացուցիչ: Դրանք նույնպես կտեղադրվեն ՙՆորություն՚ տողում:



Հարցեր. (Անհրաժեշտ է միայն ընդգծել Ձեր նախընտրած պատասխանը)



1. Անհրաժեշտ էր ԱՊՊԱ (Ավտոտրանսպորտային միջոցների օգտագործումից բխող պատասխանատվության պարտադիր ապահովագրության) գործընթացի իրականացումը.

ա) Այո

բ) Ոչ

գ) Այո, բայց ավելի ուշ

դ) Այո, վաղուց էր պետք   



2. Տեղյակ եք ԱՊՊԱ-ի հետ կապված Ձեր իրավունքներին (եւ որպես ապահովադիր, եւ որպես հնարավոր տուժող).

ա) Այո

բ) Ոչ

գ) Մասամբ



3. Ում կդիմեք ԱՊՊԱ գործընթացում դժգոհություններ ունենալու դեպքում.

ա) Կենտրոնական բանկին

բ) Ավտոապահովագրողների բյուրոյին

գ) Ֆինանսական հաշտարարին

դ) Հասարակական կազմակերպություններին



4. Մեր կայքն օգնել է Ձեզ մանրամասներ իմանալ ԱՊՊԱ գործընթացի մասին.

ա) Այո

բ) Ոչ

գ) Մասամբ



                                              ՇՆՈՐՀԱԿԱԼՈՒԹՅՈՒՆ

              Ուրախ կլինենք լսելու նաեւ Ձեր առաջարկներն ու դիտողությունները






1-5 | 6-10 | 11-15 | 16-20 | 21-25 | 26-30 | 31-35 | 36-40 | 41-45 | 46-50 | 51-55 | 56-60 | 61-65 | 66-70 | 71-75 | 76-80 | 81-85 | 86-90 | 91-95 | 96-100 | 101-105 | 106-110 | 111-115 | 116-120 | 121-125 | 126-130 | 131-135 | 136-140 | 141-145 | 146-150 | 151-155 | 156-160 | 161-165 | 166-170 | 171-175 | 176-180 | 181-185 | 186-190 | 191-195 | 196-200 | 201-205 | 206-210 | 211-215 | 216-220 | 221-225 | 226-230 | 231-235 | 236-240 | 241-245 | 246-250 | 251-255 | 256-260 | 261-265 | 266-270 | 271-275 | 276-280 | 281-285 | 286-290 | 291-295 | 296-300 | 301-305 | 306-310 | 311-315 | 316-318

Նախագծի մասին  |  Կայքի պայմանները  |  Հայտարարությունների տեղադրումը  |  Գովազդի գները  |  Հետադարձ կապ
"CITY" STUDIO Made in "CityStudio".   © Copyright by REA.AM 2009-2019.
Բոլոր իրավունքները պաշտպանված են: