REA.AM - ՀԱՅՏԱՐԱՐՈՒԹՅՈՒՆՆԵՐԻ ԿԱՅՔ :: ԱՆՇԱՐԺ ԳՈՒՅՔ
REA.AM - ՀԱՅՏԱՐԱՐՈՒԹՅՈՒՆՆԵՐԻ ԿԱՅՔ
REA.AM - ՀԱՅՏԱՐԱՐՈՒԹՅՈՒՆՆԵՐԻ ԿԱՅՔ
ԱՆՇԱՐԺ ԳՈՒՅՔ ՇԱՐԺԱԿԱՆ ԳՈՒՅՔ ԱՇԽԱՏԱՆՔ ԾԱՌԱՅՈՒԹՅՈՒՆՆԵՐ
 
հայերենenglishрусский
  Էլ. փոստ
. . .
 
Որոնում     Ընդլայնված որոնում
Ծածկանուն 
Գաղտնաբառ 

Գրանցվել
Մոռացե՞լ եք գաղտնաբառը
 
. . .
Նորություններ

1-5 | 6-10 | 11-15 | 16-20 | 21-25 | 26-30 | 31-35 | 36-40 | 41-45 | 46-50 | 51-55 | 56-60 | 61-65 | 66-70 | 71-75 | 76-80 | 81-85 | 86-90 | 91-95 | 96-100 | 101-105 | 106-110 | 111-115 | 116-120 | 121-125 | 126-130 | 131-135 | 136-140 | 141-145 | 146-150 | 151-155 | 156-160 | 161-165 | 166-170 | 171-175 | 176-180 | 181-185 | 186-190 | 191-195 | 196-200 | 201-205 | 206-210 | 211-215 | 216-220 | 221-225 | 226-230 | 231-235 | 236-240 | 241-245 | 246-250 | 251-255 | 256-260 | 261-265 | 266-270 | 271-275 | 276-280 | 281-285 | 286-290 | 291-295 | 296-300 | 301-305 | 306-310 | 311-315 | 316-318

27/02/2012
Նորություն. Կադաստրի համակարգում սկսել են գործել սպասարկման գրասենյակները


2012-ի հունվարի 1-ից կադաստրի համակարգում գործում են նոր կառուցվածքային միավորներ` սպասարկման գրասենյակները, որտեղ ընդունվում են քաղաքացիների դիմումները ու տրամադրվում ավարտական փաստաթղթերը (վկայականներ, տեղեկանքներ եւ այլն): Ընդ որում, դիմումները ներկայացնել եւ դրանց պատասխանները կարելի է ստանալ կադաստրի ցանկացած սպասարկման գրասենյակից` անկախ քաղաքացու գույքի գտնվելու վայրից: էլեկտրոնային ստորագրություն ունեցող անձինք հնարավորություն կունենան դիմումները ներկայացնել առցանց` կադաստրի պետական կոմիտեի պաշտոնական վեբ-կայքի միջոցով: Դիմումներ ներկայացրած քաղաքացիներին տրամադրվում է դիմումի մուտքագրման համար (բանալի), որի օգնությամբ կոմիտեի պաշտոնական վեբ-կայքի միջոցով նրանք կհետեւեն իրենց դիմումի քննարկման ընթացքին:

Անշարժ գույքի կադաստրի սպասարկման գրասենյակների եւ ստորաբաժանումների հասցեներն ու հեռախոսահամարները արդեն տեղադրված են մեր կայքի ՙԱնշարժ գույք՚ բաժնի
ՙՏեղեկատվական բազայում՚  (ՙՀՀ անշարժ գույքի կադաստի պետական կոմիտեի սպասարկման գրասենյակների եւ ստորաբաժանումների հասցեները եւ հեռախոսահամարները՚):

Հիշեցնենք նաեւ, որ 2012-ի հունվարի 1-ից միասնականացվել են անշարժ գույքի կադաստրի համակարգում պետական գրանցման եւ տեղեկատվության տրամադրման ծառայությունների վճարները միասն£ Պետական գրանցման միասնականացված վճարը կազմում է 25 հզ. դրամ, տեղեկատվության տրամադրման վճարը` 10 հզ. դրամ (բացառությամբ որոշ արտոնությունների):

Այս տեղեկատվությունը նույնպես տեղադրված է մեր կայքի ՙԱնշարժ գույք՚ բաժնի ՙՏեղեկատվական բազայում՚ (ՙՍեփականության պետական գրանցման եւ միասնական տեղեկանքի տրամադրման վճարների չափերը՚):


 



10/02/2012
Նորություն. ԱՊՊԱ` բարձրացվել են ապահովագրական փոխհատուցման չափերը

Ինչպես տեղեկանում ենք Հայաստանի ավտոապահովագրողների բյուրոյից, 2012 թվականին բարձրացվել են ապահովագրական փոխհատուցման սահմանաչափերը.

1) անձնական վնասների համար ապահովագրական գումարն (հատուցման ենթակա առավելագույն չափն) ավելացվել է 300 հազար դրամի չափով` ըստ յուրաքանչյուր տուժողի`կազմելով 3 մլն 300 հազար դրամ, եւ 1 մլն դրամի չափովª ըստ յուրաքանչյուր ապահովա•րական պատահարի` կազմելով 10 մլն դրամ,

2) գույքին պատճառված վնասների համար ապահովագրական գումարն (հատուցման ենթակա առավելագույն չափն) ավելացվել է 300 հազար դրամի չափով` ըստ յուրաքանչյուր ապահովագրական պատահարի` կազմելով 1 մլն 800 հազար դրամ:

Հայաստանի ավտոապահովագրողների բյուրոյի խորհուրդը վերանայել է տուժողի հուղարկավորության հետ կապված ծախսերի գծով հատուցվող միանվագ 650 հազար դրամ սահմանաչափը` այն դարձնելով 1 մլն դրամ:

Մանրամասներին կարելի է ծանոթանալ նաեւ Հայաստանի ավտոապահովագրողների բյուրոյի կայքից` www.paap.am



09/02/2012
Նորություն. Կայքի այցելուների թիվը 2012-ի հունվարին

Ըստ մեր կայքին հոստինգ տրամադրող գերմանական HOSTERGIGANT. NET ընկերության արձանագրած վիճակագրական տվյալների, 2012-ի հունվար ամսին www.rea.am կայքի այցելուների թիվը կազմել է 6198 (տես աղյուսակը):  Oրական այցելության միջին ցուցանիշը կազմել է մոտ 200: Հունվարին մեր կայքի հայտարարություններին, բազային տեղեկություններին, նորություններին ու գովազդին ծանոթացել են 48 երկրներում:




01/02/2012
Նորություն. Հայաստանի անշարժ գույքի գների նվազում դեկտեմբերին

Անշարժ գույքի կադաստրի պետական կոմիտեի` շուկայի վերլուծության տվյալների համաձայն, 2011-ի դեկտեմբերին, Հայաստանի անշարժ գույքի շուկայում իրականացվել է 22393 գործարք, ինչը 31,7 տոկոսով բարձր է նախորդ ամսվա` նոյեմբերի համեմատ եւ 26,5 տոկոսով` 2010-ի դեկտեմբերի գործարքների քանակի համեմատ: Միայն օտարման գործարքների քանակը դեկտեմբերին նոյեմբերի համեմատ աճել է 13,7 տոկոսով, իսկ անցյալ տարվա դեկտեմբերի համեմատ` 7,9 տոկոսով: 4712 օտարման գործարքներից առքուվաճառքներինը կազմել է 77,2 տոկոսը: Մնացածը նվիրատվություններն ու փոխանակություններն են: Անշարժ գույքի օտարման գործարքների քանակի 35,1 տոկոսն արձանագրվել է Երեւանում:

Մայրաքաղաքում առքուվաճառքի գործարքների 60,8 տոկոսն արձանագրվել է բազմաբնակարան շենքերի բնակարանների նկատմամբ: 2011-ի նոյեմբերի համեմատ, դեկտեմբերին բնակարանների առքուվաճառքի գործարքների քանակը Երեւանում նվազել է 1,3 տոկոսով, իսկ նախորդ տարվա դեկտեմբերի համեմատ` 10,5 տոկոսով:

Բնակարանների շուկայական միջին գները Երեւանում այս տարվա դեկտեմբերին նոյեմբերի համեմատ նվազել են 0,6 տոկոսով: Ըստ վարչական շրջանների, Երեւանում բնակարանների 1 քմ մակերեսի միջին շուկայական գները այսպիսին են եղել.

 Վարչական շրջաններ    Միջին գները   (դրամ)

                                      դեկտեմբեր  2010թ.     դեկտեմբեր  2011թ.   նոյեմբեր  2011թ.

Կենտրոն                              440600                       426395                      452000

Արաբկիր                              355800                       339761                      335300

Քանաքեռ-Զեյթուն                275800                       264833                      260800

Նոր-Նորք                              225800                       229554                      232200

Ավան                                    232400                       239224                      242200

Էրեբունի                               239100                       233915                      232900

Շեն•ավիթ                              237600                       231482                      232500

Դավթաշեն                            263200                       256476                      257000

Աջափնյակ                            224400                       227193                       232800

Մալաթիա-Սեբաստիա         223600                       224419                       220700

Նուբարաշեն                         149100                       147187                       140100

Միջինը Երևանում

(բացի Նորք-մարաշից)          260700                      256400                      258000



Մարզերում, բացառությամբ Երեւանը, դեկտեմբերին վաճառվել են 403 բնակարաններ, որոնց քանակը նոյեմբերի համեմատ աճել է 14,8 տոկոսով, իսկ 2010-ի դեկտեմբերի համեմատ` 11,9 տոկոսով: Բնակարանների միջին գները մարզերում դեկտեմբերին նոյեմբերի համեմատ աճել են 1,5 տոկոսով:

Երեւանից հետո, ամենաթանկ բնակարանները դեկտեմբերին եղել են Ծաղկաձորում, որտեղ 1 քմ մակերեսի շուկայական գինը կազմել է ավելի քան 301 հազար դրամ: Աբովյանում 1 քմ գինը 145 հազար դրամ է կազմել, Վաղարշապատում (Էջմիածնում)` 143 հազար դրամ: Ապա գալիս են Նոր Հաճնը` 128 հազար դրամ, Եղեգնաձորը` 127 հազար դրամ, Գորիսը` 116 հազար դրամ, Արմավիրը` 114 հազար դրամ, Իջեւանը 113 հազար դրամ 1 քմ դիմաց ցուցանիշներով:

2011-ի դեկտեմբերին Հայաստանում գրանցվել է անհատական տների առքուվաճառքի 497 գործարք, որից 126-ը` Երեւանում: Մայրաքաղաքում անհատական տների առքուվաճառքի գործարքների քանակը 2011-ի դեկտեմբերին նոյեմբերի համեմատ մնացել է անփոփոխ, իսկ մարզերում նվազել` 2,6 տոկոսով: 2010-ի դեկտեմբերի համեմատ անհատական բնակելի տների առուվաճառքի գործարքների քանակը Երեւանում աճել է 0,8 տոկոսով, իսկ մարզերում միասին վերցրած` 7,2 տոկոսով: Միջինացված` 250 քմ շինության մակերես եւ 400 քմ տնամերձ ունեցող անհատական տների 1 քմ-ի միջին գները (ներառյալ տնամերձի միավորի գինը) 2011-ի դեկտեմբերին նոյեմբերի համեմատ նվազել են 2,3 տոկոսով: Ըստ Երեւանի վարչական շրջանների, գներն այսպիսին են եղել.

Վարչական շրջաններ    Միջին գները   (դրամ)

                                       դեկտեմբեր2010թ.      դեկտեմբեր2011թ.        նոյեմբեր2011թ.

Կենտրոն                              472000                      460000                          470000

Արաբկիր                              384000                      370300                          372200

Քանաքեռ Զեյթուն               290000                      275200                          279800

Նորք Մարաշ                       276000                      302200                          308300

Ավան                                   247000                      249700                          253200

Էրեբունի                              249500                      220000                          237100

Շեն•ավիթ                             252000                      239700                          242500

Դավթաշեն                           277000                      258300                          269200

Աջափնյակ                           242400                      237100                          242000

Մալաթիա Սեբաստիա        239000                      220700                          230000

Նուբարաշեն                       150900                      144800                           144800

Միջինը Երևանում

(բացի Նոր Նորքից)             280000                       270700                         277200



Մարզերում միջինացված են 200 քմ շինության եւ 1000 քմ տնամերձ մակերեսով անհատական տների վերաբերյալ գները£ Այստեղ միջին գները դեկտեմբերին նոյեմբերի համեմատ նվազել են 0,6 տոկոսով: Ամենաթանկ անհատական տները Երեւանից հետո դարձյալ Ծաղկաձորում են` 1 քմ-ն 307 հազար դրամ: Երկրորդը Վաղարշապատն է 1 քմ-ն 161 հազար դրամ, երրորդը Աբովյանը, որտեղ 1 քմ-ն կազմել է 153 հազար դրամ: Ապա գալիս են Նոր Հաճնը` 132 հազար դրամ, Աշտարակը` 130 հազար դրամ, Իջեւանը 129 հազար դրամ 1 քմ դիմաց:

2011-ի դեկտեմբերին 2010-ի դեկտեմբերի համեմատ, հողերի առուվաճառքի գործարքների քանակն աճել է 9,5 տոկոսով, աճուրդով վաճառքներինը աճել` 27,1 տոկոսով: Ընդ որում, Երեւանում վերջին ցուցանիշը աճել է 4,2 անգամ:

Իրականացվել են հիփոթեքային գրավադրման 243 գործարքներ, որից 133-ը` Երեւանում: 2011-ի նոյեմբերի համեմատ, հիփոթեքային գրավադրման գործարքների քանակը Երեւանում նվազել է 30,4 տոկոսով, իսկ մարզերում աճել 2,2 անգամ:

Այսպիսով, Հայաստանի անշարժ գույքի գները դեկտեմբերին հիմնականում որոշակիորեն նվազել են, բայց գործարքների քանակը` աճել է:








20/01/2012
Նորություն. Անշարժ գույքի, շարժական գույքի, աշխատանքի, ծառայությունների հայտարարություններն` անվճար

REA.AM-ի հազարավոր այցելուներին ուրախ ենք տեղեկացնել, որ սկսած 2012-ից, անշարժ գույքի, շարժական գույքի, աշխատանքի եւ ծառայությունների մասին մասնավոր անձանց հայտարարությունները մեր կայքում կտեղադրվեն անվճար: Հիշեցնենք, որ հայտարարությունները մեր կայքում տեղադրվում են 28 օրով եւ 3 լեզուներով, իսկ աշխատանքի հայտարարություններն անվճար էին անցյալ տարվանից: Վճարովի կլինեն միայն գլխավոր էջում պահպանվող առաջին 4-ական հայտարարությունները: (Պայմանները տես "Հայտարարությունների գները"): Այս փոփոխությունները կատարել ենք, ընդառաջելով մեր հաճախորդների ցանկություններին:

Մեկ անգամ եւս տեղեկացնում ենք, որ Ձեր հայտարարությունը մեր կայքում տեղադրելով, հնարավորություն եք ստանում Ձեր առաջարկը հասանելի դարձնել  rea.am-ի միջին ամսական մոտ 6 հազար այցելուներին` Հայաստանից եւ աշխարհի 50-70 երկրներից:



1-5 | 6-10 | 11-15 | 16-20 | 21-25 | 26-30 | 31-35 | 36-40 | 41-45 | 46-50 | 51-55 | 56-60 | 61-65 | 66-70 | 71-75 | 76-80 | 81-85 | 86-90 | 91-95 | 96-100 | 101-105 | 106-110 | 111-115 | 116-120 | 121-125 | 126-130 | 131-135 | 136-140 | 141-145 | 146-150 | 151-155 | 156-160 | 161-165 | 166-170 | 171-175 | 176-180 | 181-185 | 186-190 | 191-195 | 196-200 | 201-205 | 206-210 | 211-215 | 216-220 | 221-225 | 226-230 | 231-235 | 236-240 | 241-245 | 246-250 | 251-255 | 256-260 | 261-265 | 266-270 | 271-275 | 276-280 | 281-285 | 286-290 | 291-295 | 296-300 | 301-305 | 306-310 | 311-315 | 316-318

Նախագծի մասին  |  Կայքի պայմանները  |  Հայտարարությունների տեղադրումը  |  Գովազդի գները  |  Հետադարձ կապ
"CITY" STUDIO Made in "CityStudio".   © Copyright by REA.AM 2009-2019.
Բոլոր իրավունքները պաշտպանված են: