REA.AM - ՀԱՅՏԱՐԱՐՈՒԹՅՈՒՆՆԵՐԻ ԿԱՅՔ :: ԱՆՇԱՐԺ ԳՈՒՅՔ
REA.AM - ՀԱՅՏԱՐԱՐՈՒԹՅՈՒՆՆԵՐԻ ԿԱՅՔ
REA.AM - ՀԱՅՏԱՐԱՐՈՒԹՅՈՒՆՆԵՐԻ ԿԱՅՔ
ԱՆՇԱՐԺ ԳՈՒՅՔ ՇԱՐԺԱԿԱՆ ԳՈՒՅՔ ԱՇԽԱՏԱՆՔ ԾԱՌԱՅՈՒԹՅՈՒՆՆԵՐ
 
հայերենenglishрусский
  Էլ. փոստ
. . .
 
Որոնում     Ընդլայնված որոնում
Ծածկանուն 
Գաղտնաբառ 

Գրանցվել
Մոռացե՞լ եք գաղտնաբառը
 
. . .
Նորություններ

1-5 | 6-10 | 11-15 | 16-20 | 21-25 | 26-30 | 31-35 | 36-40 | 41-45 | 46-50 | 51-55 | 56-60 | 61-65 | 66-70 | 71-75 | 76-80 | 81-85 | 86-90 | 91-95 | 96-100 | 101-105 | 106-110 | 111-115 | 116-120 | 121-125 | 126-130 | 131-135 | 136-140 | 141-145 | 146-150 | 151-155 | 156-160 | 161-165 | 166-170 | 171-175 | 176-180 | 181-185 | 186-190 | 191-195 | 196-200 | 201-205 | 206-210 | 211-215 | 216-220 | 221-225 | 226-230 | 231-235 | 236-240 | 241-245 | 246-250 | 251-255 | 256-260 | 261-265 | 266-270 | 271-275 | 276-280 | 281-285 | 286-290 | 291-295 | 296-300 | 301-305 | 306-310 | 311-315

12/10/2012
Նորություններ. Արագաչափեր են տեղադրվում միջպետական ճանապարհին


Ինչպես տեղեկացանք ճանապարհային ոստիկանությունից, շարունակվում են միջպետական նշանակության ավտոճանապարհներին արագաչափ սարքերի տեղադրման աշխատանքները:

2012-ի հոկտեմբերի 10-ից գործարկվելու է "Մ-4 Երեւան-Սեւան-Իջեւան-Ադրբեջանի սահման" միջպետական նշանակության ավտոճանապարհի 91-րդ կմ հատվածում (Դիլիջան քաղաքի վարչական տարածքում) նոր տեղադրված երթեւեկության արագության նկատմամբ վերահսկողության արագաչափ սարքը:

Տեղեկացվում է, որ ճանապարհի տվյալ հատվածում երթեւեկության համար թույլատրելի առավելագույն արագությունը 60 կմ/ժ է:


 



08/10/2012
Նորություններ. Վճարովի ավտոկայանատեղիները կառանձնանան կարմիր գծանշմամբ


Հայաստանի Հանրապետության տարածքում ավտոկայանատեղի կազմակերպման կարգն ու գետնանշման ձեւը հոկտեմբերի 9-ին հաստատվեց կառավարության կողմից:



Ավտոկայանատեղի (որի համար նախատեսվում է տեղական տուրքի գանձում) գետնանշման ձեւը պետք է լինի հետեւյալ կերպ.



1. Փողոցի երթեւեկելի մասում կազմակերպված վճարովի ավտոկայանատեղի զբաղեցրած տարածքն առանձնացվում է փողոցի երթեւեկելի հարեւան գոտուց` ավտոկայանատեղիի երկայնական սահմանագծի կարմիր գույնի խզվածքներով գետնանշմամբ: Եթե փողոցի երթեւեկելի մասում կազմակերպված վճարովի ավտոկայանատեղում թույլատրվում է ավտոտրանսպորտային միջոցներիՙ միմյանց նկատմամբ զուգահեռ տեղաբաշխմամբ կայանում, ապա ավտոկայանատեղի տարածքն առանձնացվում է նաեւ լայնակի սահմանագծով` կարմիր գույնի հոծ գետնանշմամբ:



2. Հրապարակներում կազմակերպված վճարովի ավտոկայանատեղերը սահմանազատվում են կարմիր գույնի գետնանշմամբ` ավտոտրանսպորտային միջոցների մուտքի-ելքի ուղիների կողմից` խզվածքներով, ավտոկայանատեղիի տարածքի սահմանագիծը հրապարակում` հոծ գծով:



3. Առանձին դեպքերում, ելնելով ավտոկայանատեղիի տարածքի առանձնահատկություններից եւ նպատակահարմարությունից, կարող է իրականացվել վճարովի ավտոկայանատեղի զբաղեցրած ամբողջ տարածքի կարմիր ներկանյութով, այդ թվումՙ կարմիր գույնի ասֆալտբետոնյա կամ այլ ծածկույթներով սահմանազատում:



Ավտոկայանատեղերի կազմակերպումը իրականացվելու է համայնքի ավագանու որոշման հիման վրա: Դրանք կարող են կազմակերպվել ՀՀ օրենսդրությամբ սահմանված քաղաքաշինական, շինարարական եւ այլ նորմերի պահանջներին համապատասխան`



1)  փողոցի երթեւեկելի գոտում` միայն երթեւեկելի մասի եզրի երկարությամբ ավտոտրանսպորտային միջոցների հաջորդական տեղաբաշխմամբ` պայմանով, որ չարգելափակվեն բակային մուտքերը.



2) փողոցի երթեւեկելի մասի տեղային լայնացմամբ հատվածում` ավտոտրանսպորտային միջոցների միմյանց նկատմամբ զուգահեռ տեղաբաշխմամբ`



Իրավաբանական կամ ֆիզիկական անձանց  պահանջով, նրանց պատկանող մեքենայի կայանման վերաբերյալ տրամադրվում է տեղեկանքՙ հաստատված ավտոկայանատեղի կազմակերպչի կողմից, որտեղ պետք է ներառեն հետեւյալ տեղեկություններըՙ



1) ավտոկայանատեղի կազմակերպչի անվանումը կամ անունը եւ ազգանունը, գտնվելու վայրը եւ հեռախոսահամարը.



2) ավտոկայանատեղի գտնվելու վայրը.



3) ավտոտրանսպորտային միջոցի մակնիշը, հաշվառման համարանիշը.



4) ավտոտրանսպորտային միջոցի կայանման ընդունման ամսաթիվը, կայանման սկիզբը, ավարտը, տեւողությունը.



5) վճարված տեղական տուրքի գումարի չափը:



02/10/2012
Նորություններ. Անշարժ գույքի գները հուլիսին Հայաստանում գրեթե անփոփոխ են մնացել


Անշարժ գույքի կադաստրի պետական կոմիտեի` շուկայի վերլուծության տվյալների համաձայն, 2012-ի հուլիսին, Հայաստանի անշարժ գույքի շուկայում իրականացվել է 14048 գործարք, ինչը 0,9 տոկոսով քիչ է հունիսի եւ 0,6 տոկոսով ավելի 2011-ի հուլիսի գործարքների համեմատ: Միայն օտարման գործարքների քանակը հուլիսին հունիսի համեմատ աճել է 6 տոկոսով, իսկ անցյալ տարվա հուլիսի համեմատ` 3,6 տոկոսով: 3968 օտարման գործարքներից առքուվաճառքներինը կազմել է 76,2 տոկոսը: Մնացածը նվիրատվություններն ու փոխանակություններն են: Օտարված անշարժ գույքի 38,3 տոկոսը բնակարաններն են, իսկ օտարման գործարքների քանակի 40,3 տոկոսն արձանագրվել է Երեւանում:

Մայրաքաղաքում առքուվաճառքի գործարքների 57,9 տոկոսն արձանագրվել է բազմաբնակարան շենքերի բնակարանների նկատմամբ: 2012-ի հունիսի համեմատ, հուլիսին բնակարանների առքուվաճառքի գործարքների քանակը Երեւանում աճել է 4,4 տոկոսով, իսկ նախորդ տարվա հուլիսի համեմատ նվազել 5,4 տոկոսով:

Բնակարանների շուկայական միջին գները Երեւանում այս տարվա հուլիսին հունիսի համեմատ աճել են` 0,4 տոկոսով: Ըստ վարչական շրջանների, Երեւանում բնակարանների 1 քմ մակերեսի միջին շուկայական գները այսպիսին են եղել.

 Վարչական շրջաններ                            Միջին գները(դրամ)

                                         հուլիս2011թ.      հուլիս2012թ.    հունիս2012թ.

Կենտրոն                                440200            415050            414000

Արաբկիր                                344600            342800            342050

Քանաքեռ-Զեյթուն                  262500            270100            269150

Նոր-Նորք                                226300            232050            230250

Ավան                                      240400            243000            241000

Էրեբունի                                 240000            238300            238100

Շենգավիթ                                223800           238500            237700

Դավթաշեն                              260400            263100            262000

Աջափնյակ                              224800            229800            229100

Մալաթիա-Սեբաստիա           225700            228400            227500

Նուբարաշեն                           146400            140200            140200

Միջինը Երևանում

(բացի Նորք-մարաշից)            257700            258400            257400

Մարզերում, բացառությամբ Երեւանը, 2012-ի հուլիսին վաճառվել են 365 բնակարաններ, որոնց քանակը հունիսի համեմատ աճել է 15,9 տոկոսով, իսկ 2011-ի հուլիսի համեմատ 18,1 տոկոսով: Միաժամանակ, բնակարանների միջին գները հուլիսին հունիսի համեմատ մարզերում աճել են 0,4 տոկոսով:

Երեւանից հետո, ամենաթանկ բնակարանները հուլիսին եղել են Ծաղկաձորում, որտեղ 1 քմ մակերեսի շուկայական գինը կազմել է 292 հազար դրամ: Աբովյանում եւ Վաղարշապատում (Էջմիածնում) 1 քմ գինը 153 հազար հազար դրամ է կազմել: Ապա գալիս են Նոր Հաճընը` գրեթե 128 հազար դրամ, Արմավիրը` 118 հազար դրամ, Եղեգնաձորը` 117 հազար դրամ, Գորիսը` 115 հազար դրամ, Իջեւանը` 114 հազար դրամ, Աշտարակը 112 հազար դրամ 1 քմ դիմաց ցուցանիշներով:

2012-ի հուլիսին Հայաստանում գրանցվել է անհատական տների առքուվաճառքի 375 գործարք, որից 125-ը` Երեւանում: Մայրաքաղաքում անհատական տների առքուվաճառքի գործարքների քանակը 2012-ի հուլիսին հունիսի համեմատ մնացել է անփոփոխ, իսկ մարզերում նվազել` 12,6 տոկոսով: 2011-ի հուլիսի համեմատ, անհատական բնակելի տների առուվաճառքի գործարքների քանակը Երեւանում աճել է 33 տոկոսով, իսկ մարզերում միասին վերցրած` նվազել 9,7 տոկոսով: Միջինացված` 250 քմ շինության մակերես եւ 400 քմ տնամերձ ունեցող անհատական տների 1 քմ-ի միջին գները (ներառյալ տնամերձի միավորի գինը) 2012-ի հուլիսին հունիսին համեմատ աճել են 0,3 տոկոսով: Ըստ Երեւանի վարչական շրջանների, գներն այսպիսին են եղել.

Վարչական շրջաններ                                      Միջին գները/դրամ/

                                                     հուլիս2011թ.     հուլիս2012թ.     հունիս2012թ.

Կենտրոն                                           459200             463800             462400

Արաբկիր                                           374100             369600             368550

Քանաքեռ Զեյթուն                             272100             280500             279800

Նորք Մարաշ                                     283200             307100             306800

Ավան                                                 243700             260400             259100

Էրեբունի                                            245600             228800             228100

Շենգավիթ                                          235500             245100             244800

Դավթաշեն                                         274800             263800             263750

Աջափնյակ                                         236900             239600             238150

Մալաթիա-Սեբաստիա                      233900              228000            227150

Նուբարաշեն                                      150100              144500            144500


Միջինը Երևանում

(բացի ՆորՆորքից)                             273600              275600             274800



Մարզերում միջինացված են 200 քմ շինության եւ 1000 քմ տնամերձ մակերեսով անհատական տների վերաբերյալ գները: Այստեղ միջին գները հուլիսին հունիսի համեմատ աճել են 0,3 տոկոսով: Ամենաթանկ անհատական տները Երեւանից հետո, ինչպես միշտ, Ծաղկաձորում են` 1 քմ-ն 305 հազար դրամ: Երկրորդը Աբովյանն է, որտեղ 1 քմ-ն կազմել է 153 հազար դրամ, երրորդը Վաղարշապատը` 152 հազար դրամ: Ապա գալիս են Աշտարակը 133 հազար դրամ, Նոր Հաճնը 129 հազար դրամ, Գորիսը 127 հազար դրամ, Ջերմուկը եւ Իջեւանը` 121 հազար դրամ, Բյուրեղավանը` 119 հազար դրամ 1 քմ դիմաց:

Հողի շուկայում հետեւյալ պատկերն է` 2012-ի հուլիսին 2011-ի հուլիսի համեմատ, հողերի առուվաճառքի գործարքների քանակն աճել է 10,8 տոկոսով, աճուրդով վաճառքներինը` նվազել 13,9 տոկոսով:

2012-ի հուլիսին հունիսի համեմատ վարձակալության գործարքները աճել են 12,4 տոկոսով, իսկ 2011-ի հուլիսի համեմատ` 6,2 տոկոսով:

Հուլիսին իրականացվել են հիփոթեքային գրավադրման 171 գործարքներ, որից 99-ը` Երեւանում: 2012-ի հունիսի համեմատ, հիփոթեքային գրավադրման գործարքների քանակը աճել է 23,9 տոկոսով, ընդ որում, Երեւանում` 23,8 տոկոսով, իսկ մարզերում աճել` 24,1 տոկոսով: 2011-ի հուլիսի համեմատ, հիփոթեքային գրավադրման գործարքների քանակը նվազել է 9 տոկոսով, ընդ որում, Երեւանում` 31,7 տոկոսով, իսկ մարզերում աճել` 67,4 տոկոսով:

Այսպիսով, հուլիսին Հայաստանի անշարժ գույքի շուկայում գները գրեթե չեն փոխվել:


 



01/10/2012
Նորություններ. Քաղաքացիական կացության ակտերի գրանցման վճարովի ծառայությունների ցանկն ու վճարների չափերը մեր կայքում


Իրավաբանական անձանց պետական գրանցման, անհատ ձեռնարկատերերի պետական հաշվառման, քաղաքացիական կացության ակտերի գրանցման և ապոստիլ դնելու վճարովի ծառայությունների ցանկին ու վճարների չափերին (ըստ արդարադատության նախարարության պաշտոնական հրապարակման), կարող եք ծանոթանալ մեր կայքի "Ծառայություններ" բաժնի "Տեղեկատվական բազայից":



27/09/2012
Նորություններ. Կառավարությունը որոշումներ ընդունեց Երեւանի 33-րդ (Ֆիրդուսնոց) եւ Կոնդ թաղամասերի իրացման գոտիների վերաբերյալ


Հայաստանի կառավարությունը սեպտեմբերի 27-ի որոշմամբ, Երեւանի քաղաքապետին լիազորեց Հայաստանի Հանրապետության անունից "Սիթի սենթր դիվելըփմենթ" ընկերության հետ կնքել Երեւան քաղաքի 33-րդ թաղամասի սեփականության օտարման գործընթացի ընթացքում պետության եւ ձեռք բերողի իրավունքները, պարտականություններն ու պատասխանատվությունը սահմանող պայմանագիր, որից հետո հնարավոր կլինի նշված տարածքի նկատմամբ ճանաչել բացառիկ` գերակա հանրային շահ եւ ավարտին հասցնել քաղաքաշինական ծրագիրը։



Մեկ այլ` "Երեւան քաղաքի Կոնդ թաղամասում որոշ տարածքների նկատմամբ գերակա հանրային շահ ճանաչելու իրավական ռեժիմն օրենքի ուժով վերանալուց բխող միջոցառումների մասին" որոշմամբ գերակա հանրային շահ ճանաչված Կոնդ տարածքի մի մասում չիրացված գույքի մասով վերացվեց այդ իրավական ռեժիմը` սեփականատերերին հնարավորություն տալով իրենց գույքը տնօրինել ընդհանուր հիմունքով, իսկ իրացված, սակայն չքանդած տների մասով սեփականության իրավունքը ձեռք բերողից վերադարձվեց բնակիչներին։



Միաժամանակ, Կոնդի մեկ այլ հատվածում փոխվեց կառուցապատող ընկերությունը եւ միայն մնացած մասում իրացումն ու կառուցապատումը պետք է շարունակի նախկին կառուցապատող "Դաուն Թաուն Երեւան" ընկերությունը:



1-5 | 6-10 | 11-15 | 16-20 | 21-25 | 26-30 | 31-35 | 36-40 | 41-45 | 46-50 | 51-55 | 56-60 | 61-65 | 66-70 | 71-75 | 76-80 | 81-85 | 86-90 | 91-95 | 96-100 | 101-105 | 106-110 | 111-115 | 116-120 | 121-125 | 126-130 | 131-135 | 136-140 | 141-145 | 146-150 | 151-155 | 156-160 | 161-165 | 166-170 | 171-175 | 176-180 | 181-185 | 186-190 | 191-195 | 196-200 | 201-205 | 206-210 | 211-215 | 216-220 | 221-225 | 226-230 | 231-235 | 236-240 | 241-245 | 246-250 | 251-255 | 256-260 | 261-265 | 266-270 | 271-275 | 276-280 | 281-285 | 286-290 | 291-295 | 296-300 | 301-305 | 306-310 | 311-315

Նախագծի մասին  |  Կայքի պայմանները  |  Հայտարարությունների տեղադրումը  |  Գովազդի գները  |  Հետադարձ կապ
"CITY" STUDIO Made in "CityStudio".   © Copyright by REA.AM 2009-2019.
Բոլոր իրավունքները պաշտպանված են: