REA.AM - ՀԱՅՏԱՐԱՐՈՒԹՅՈՒՆՆԵՐԻ ԿԱՅՔ :: ԱՆՇԱՐԺ ԳՈՒՅՔ
REA.AM - ՀԱՅՏԱՐԱՐՈՒԹՅՈՒՆՆԵՐԻ ԿԱՅՔ
REA.AM - ՀԱՅՏԱՐԱՐՈՒԹՅՈՒՆՆԵՐԻ ԿԱՅՔ
ԱՆՇԱՐԺ ԳՈՒՅՔ ՇԱՐԺԱԿԱՆ ԳՈՒՅՔ ԱՇԽԱՏԱՆՔ ԾԱՌԱՅՈՒԹՅՈՒՆՆԵՐ
 
հայերենenglishрусский
  Էլ. փոստ
. . .
 
Որոնում     Ընդլայնված որոնում
Ծածկանուն 
Գաղտնաբառ 

Գրանցվել
Մոռացե՞լ եք գաղտնաբառը
 
. . .
Նորություններ

1-5 | 6-10 | 11-15 | 16-20 | 21-25 | 26-30 | 31-35 | 36-40 | 41-45 | 46-50 | 51-55 | 56-60 | 61-65 | 66-70 | 71-75 | 76-80 | 81-85 | 86-90 | 91-95 | 96-100 | 101-105 | 106-110 | 111-115 | 116-120 | 121-125 | 126-130 | 131-135 | 136-140 | 141-145 | 146-150 | 151-155 | 156-160 | 161-165 | 166-170 | 171-175 | 176-180 | 181-185 | 186-190 | 191-195 | 196-200 | 201-205 | 206-210 | 211-215 | 216-220 | 221-225 | 226-230 | 231-235 | 236-240 | 241-245 | 246-250 | 251-255 | 256-260 | 261-265 | 266-270 | 271-275 | 276-280 | 281-285 | 286-290 | 291-295 | 296-300 | 301-305 | 306-310 | 311-315 | 316-318

03/12/2012
Նորություններ. Երեւանի միկրոավտոբուսային երթուղիները, որոնք փոխարինվելու են ավտոբուսներով


Երեւանի քաղաքապետարանը հրապարակել է այն միկրոավտոբուսային երթուղիների ցանկը, որոնք առաջիկայում կդառնան ավտոբուսային: Ցանկին կարող եք ծանոթանալ այստեղ:



26/11/2012
Նորություններ. Հոկտեմբերին անշարժ գույքի գործարքներն ավելացել են, իսկ գները` գրեթե չեն փոխվել


Անշարժ գույքի կադաստրի պետական կոմիտեի` շուկայի վերլուծության տվյալների համաձայն, 2012-ի հոկտեմբերին, Հայաստանի անշարժ գույքի շուկայում իրականացվել է 17413 գործարք, ինչը 34,4 տոկոսով ավելի է սեպտեմբերի եւ 9,3 տոկոսով` 2011-ի հոկտեմբերի •ործարքների համեմատ: Միայն օտարման գործարքների քանակը հոկտեմբերին սեպտեմբերի համեմատ աճել է 25,4 տոկոսով, իսկ անցյալ տարվա հոկտեմբերի համեմատ` 8,7 տոկոսով: 4554 օտարման գործարքներից առքուվաճառքներինը կազմել է 77,1 տոկոսը: Մնացածը նվիրատվություններն ու փոխանակություններն են: Օտարված անշարժ գույքի 37,7 տոկոսը բնակարաններն են, իսկ օտարման գործարքների քանակի 41,2 տոկոսն արձանագրվել է Երեւանում:

Մայրաքաղաքում առքուվաճառքի գործարքների 58,4 տոկոսն արձանագրվել է բազմաբնակարան շենքերի բնակարանների նկատմամբ: 2012-ի սեպտեմբերի համեմատ, հոկտեմբերին բնակարանների առքուվաճառքի գործարքների քանակը Երեւանում աճել է 55 տոկոսով, իսկ նախորդ տարվա հոկտեմբերի համեմատ` 8,6 տոկոսով:

Բնակարանների շուկայական միջին գները Երեւանում այս տարվա հոկտեմբերին սեպտեմբերի համեմատ աճել են` 0,5 տոկոսով: Ըստ վարչական շրջանների, Երեւանում բնակարանների 1 քմ մակերեսի միջին շուկայական գները այսպիսին են եղել.

 Վարչական շրջաններ                                 Միջին գները(դրամ)

                                        հոկտեմբեր2011թ.    հոկտեմբեր2012 թ.    սեպտեմբեր 2012թ.

Կենտրոն                              436100                    419500                        418200

Արաբկիր                              342000                    347000                        346100

Քանաքեռ-Զեյթուն                265900                    276100                        274200

Նոր-Նորք                              227700                    239000                        237000

Ավան                                    248900                    248050                        246550

Էրեբունի                               226700                    241500                        240000

Շենգավիթ                             233400                    245000                        243500

Դավթաշեն                            253000                    267000                        266200

Աջափնյակ                            226500                    235600                        234000

Մալաթիա-Սեբաստիա         223100                    232100                         231300

Նուբարաշեն                         140100                    142000                         141000

Միջինը Երևանում

(բացի Նորք-մարաշից)          256700                    263000                         261600

Մարզերում, բացառությամբ Երեւանը, 2012-ի հոկտեմբերին վաճառվել են 424 բնակարաններ, որոնց քանակը սեպտեմբերի համեմատ աճել է 3,9 տոկոսով, իսկ 2011-ի հոկտեմբերի համեմատ` 15,2 տոկոսով: Միաժամանակ, բնակարանների միջին գները հոկտեմբերին սեպտեմբերի համեմատ մարզերում աճել են 0,6 տոկոսով:

Երեւանից հետո, ամենաթանկ բնակարանները օգոստոսին եղել են Ծաղկաձորում, որտեղ 1 քմ մակերեսի շուկայական գինը կազմել է 292 հազար դրամ: Աբովյանում եւ Վաղարշապատում (Էջմիածնում) 1 քմ գինը 153 հազար հազար դրամ է կազմել: Ապա գալիս են Նոր Հաճընը` 128 հազար դրամ, Արմավիրը` 119 հազար դրամ, Եղեգնաձորը` 117 հազար դրամ, Իջեւանը` 116 հազար դրամ, Գորիսը` 115 հազար դրամ, Աշտարակը` 113 հազար դրամ, Մասիսը` 112 հազար դրամ 1 քմ դիմաց ցուցանիշներով:

2012-ի հոկտեմբերին Հայաստանում գրանցվել է անհատական տների առքուվաճառքի 512 գործարք, որից 159-ը` Երեւանում: Մայրաքաղաքում անհատական տների առքուվաճառքի գործարքների քանակը 2012-ի հոկտեմբերին սեպտեմբերի համեմատ աճել է 63,9 տոկոսով, իսկ մարզերում` 35,8 տոկոսով: 2011-ի հոկտեմբերի համեմատ, անհատական բնակելի տների առուվաճառքի գործարքների քանակը Երեւանում աճել է 45,9 տոկոսով, իսկ մարզերում միասին վերցրած` նվազել 3,6 տոկոսով: Միջինացված` 250 քմ շինության մակերես եւ 400 քմ տնամերձ ունեցող անհատական տների 1 քմ-ի միջին գները (ներառյալ տնամերձի միավորի գինը) 2012-ի հոկտեմբերին սեպտեմբերի համեմատ աճել են 0,4 տոկոսով: Ըստ Երեւանի վարչական շրջանների, գներն այսպիսին են եղել.

Վարչական շրջաններ                                            Միջին գները/դրամ/

                                              հոկտեմբեր2011թ.    հոկտեմբեր2012թ.    սեպտեմբեր2012թ.

Կենտրոն                                       455000                     467500                       466800

Արաբկիր                                       368000                     375000                       374500

Քանաքեռ Զեյթուն                         276000                     286200                       284100

Նորք Մարաշ                                 300300                     312500                       310700

Ավան                                             257200                     264600                       263800

Էրեբունի                                        233000                     232000                       230000

Շեն•ավիթ                                       243500                     249500                       248000

Դավթաշեն                                     265000                     267000                       266100

Աջափնյակ                                     238000                     242400                       241000

Մալաթիա-Սեբաստիա                  233000                      232100                       230300

Նուբարաշեն                                  145800                      145100                       144500


Միջինը Երևանում

(բացի ՆորՆորքից)                         274000                      279300                       278200        


Մարզերում միջինացված են 200 քմ շինության եւ 1000 քմ տնամերձ մակերեսով անհատական տների վերաբերյալ գները: Այստեղ միջին գները հոկտեմբերին սեպտեմբերի համեմատ աճել են 0,5 տոկոսով: Ամենաթանկ անհատական տները Երեւանից հետո, ինչպես միշտ, Ծաղկաձորում են` 1 քմ-ն 305 հազար դրամ: Երկրորդը Աբովյանն է, որտեղ 1 քմ-ն կազմել է 154 հազար դրամ, երրորդը Վաղարշապատը` 152 հազար դրամ: Ապա գալիս են Աշտարակը 134 հազար դրամ, Նոր Հաճնը 129 հազար դրամ, Գորիսը 127 հազար դրամ, Ջերմուկը` 123 հազար դրամ, Իջեւանը` 122 հազար դրամ, Բյուրեղավանը` 120 հազար դրամ 1 քմ դիմաց:

Հողի շուկայում հետեւյալ պատկերն է` 2012-ի հոկտեմբերին 2011-ի հոկտեմբերի համեմատ, հողերի առուվաճառքի գործարքների քանակն աճել է 1,8 տոկոսով, աճուրդով վաճառքներինը` 5,9 տոկոսով: Ընդ որում Երեւանում աճել է 3,5 անգամ, իսկ մարզերում` 4,3 տոկոսով:

2012-ի հոկտեմբերին սեպտեմբերի համեմատ վարձակալության գործարքները աճել են 30,7 տոկոսով, իսկ 2011-ի հոկտեմբերի համեմատ` 40,2 տոկոսով:

Հոկտեմբերին իրականացվել են հիփոթեքային գրավադրման 170 գործարքներ, որից 123-ը` Երեւանում: 2012-ի սեպտեմբերի համեմատ, հիփոթեքային գրավադրման գործարքների քանակը աճել է 63,5 տոկոսով, ընդ որում, Երեւանում` 83,6 տոկոսով, իսկ մարզերում` 27 տոկոսով: 2011-ի հոկտեմբերի համեմատ, հիփոթեքային գրավադրման գործարքների քանակը նվազել է 18,7 տոկոսով, ընդ որում, Երեւանում` 19,6 տոկոսով, իսկ մարզերում` 16,1 տոկոսով:

Այսպիսով, հոկտեմբերին Հայաստանի անշարժ գույքի շուկայում զգալիորեն ավելացել է գործարքների քանակը, թեեւ գները աննշան աճ են ունեցել:


 



22/11/2012
Նորություններ. Արագաչափերի առկայության մասին նախազգուշացնող ցուցանակներին կփոխարինեն ընդհանուր նախազգուշացնող ցուցանակները


Հայաստանի հանրապետության ոստիկանությունը հայտարարություն է տարածել արագաչափ սարքերի կիրառման եւ ընդհանուր նախազգուշացնող ցուցանակների հավանական տեղադրման մասին.

"Հայաստանի Հանրապետությունում երթեւեկության արագության վերահսկման արագաչափ սարքերի կիրառման համար որեւէ նախազգուշացնող ճանապարհային նշանի կամ ցուցանակի առկայության պահանջ որեւէ օրենքով սահմանված չէ եւ դրանց կիրառումը պարտադիր չէ, իսկ վարորդները պարտավոր են բոլոր վայրերում պահպանել ճանապարհային երթեւեկության, այդ թվում` երթեւեկության արագության կանոնների պահանջները:

Ինչ վերաբերում է ներկայումս կիրառվող նախազգուշացնող ցուցանակներին, ապա դրանց կիրառումը ոստիկանության նախաձեռնությունն է` նպատակ ունենալով արագաչափ սարքերի ներդրմամբ ավելի շատ կանխարգելել իրավախախտումները, քան` արձանագրել դրանք:

Սակայն, չի բացառվում, որ առաջիկայում այդ ցուցանակները կհանվեն եւ այլեւս չեն կիրառվի կամ կկիրառվեն ընդհանուր նախազգուշացնող ցուցանակներ այն մասին, որ Հայաստանի Հանրապետությունում երթեւեկությունը վերահսկվում է տեսախցիկներով ու արագաչափ սարքերով, քանի որ, ինչպես ցույց է տալիս փորձը եւ կատարված վերլուծությունը, ցուցանակների կիրառման պարագայում արագաչափ սարքերն իրականացնում են ճանապարհային երթեւեկության անվտանգության "հատվածական" ապահովում: Այսինքն, վարորդները երթեւեկում են արագ, նկատում են ցուցանակը, դանդաղեցնում են, անցնում են արագաչափ սարքը, հետո կրկին երթեւեկում արագ: Ու ստացվում է, որ արագաչափ սարքերը չեն ապահովում ցանկալի արդյունք` ճանապարհային երթեւեկության անվտանգության իրական եւ երկարաժամկետ ապահովում:

Բացի այդ, առաջիկայում նախատեսվում է կիրառել նաեւ շարժական արագաչափ սարքեր, որոնց դեպքում եւս ցուցանակներ կիրառելն արդյունավետ չէ:

Ու չնայած արագաչափերի տեղադրման մասին իրազեկող ցուցանակների առկայությանը, Երեւան քաղաքում արձանագրվել է ճանապարհատրանպորտային պատահարների դրական վիճակագրություն: Այսպես. 2012 թվականի 10 ամիսների ընթացքում Երեւան քաղաքում վիճակագրական հաշվառման է վերցվել 839 պատահար, որոնց հետեւանքով զոհվել է 52, վիրավորվել 1065 մարդ: Նախորդ տարվա նույն ժամանակահատվածի համեմատությամբ պատահարների քանակը մնացել է նույնը, զոհերի թիվը նվազել է 17-ով, վիրավորներինը` 64-ով

Մեր կարծիքով, եթե նախազգուշացնող ցուցանակներ չկիրառվեն, ապա այս դրական վիճակագրությունը կարող է մոտ 3 անգամ ավելի լինել":


 



12/11/2012
Նորություններ. Երեւանի փոխված միկրոավտոբուսային երթուղիների հին եւ նոր համարները


Այս օրերին Երեւանի ներքաղաքային տանսպորտային ցանցում միկրոավտոբուսային երթուղիներից շատերը երթեւեկում են երկու` հին եւ նոր համարներով: Դա կապված է երթուղային նոր ցանցի ներդրման հետ: Երեւանի քաղաքապետարանը հրապարակել է նոր ցանցով հաստատված, փոփոխված միկրոավտոբուսային երթուղիների համարները, որը կարող եք տեսնել այստեղ:



09/11/2012
Նորություններ. 2012-ի 9 ամիսներին անշարժ գույքի գները Երեւանում նվազել են, մարզերում` աճել


Անշարժ գույքի կադաստրի պետական կոմիտեի` շուկայի վերլուծության տվյալների համաձայն, 2012-ի հունվար-սեպտեմբերին, Հայաստանի անշարժ գույքի շուկայում կատարվել են 122406 գործարք, որը 10,3 տոկոս ցածր է նախորդ տարվա 9 ամիսների համեմատ: Օտարման գործարքների թիվը կազմել է 33388, որից առքուվաճառքներինը` 76,3 տոկոսը: Մնացածը նվիրատվություններն ու փոխանակություններն են: Անշարժ գույքի օտարման գործարքների քանակի 40,3 տոկոսն արձանագրվել է Երեւան քաղաքում, իսկ 2011-ի 9 ամիսների համեմատ դրանց քանակը նվազել է 4,8 տոկոսով:

Մայրաքաղաքում 10009 առքուվաճառքի գործարքների 60,6 տոկոսն արձանագրվել է բազմաբնակարան շենքերի բնակարանների նկատմամբ: 2011-ի հունվար-սեպտեմբերի համեմատ, բնակարանների առքուվաճառքի գործարքների քանակը Երեւանում 2012-ի 9 ամիսներին նվազել է 11 տոկոսով: 

Բնակարանների շուկայական միջին գները Երեւանում 2012-ի հունվար-սեպտեմբերին 2011-ի նույն ժամանակահատվածի համեմատ նվազել են 1 տոկոսով: Ըստ վարչական շրջանների, Երեւանում բնակարանների 1 քմ մակերեսի միջին շուկայական գները այսպիսին են եղել.

Վարչական շրջաններ                                 Միջին  գները(դրամ)

                                                        9 ամիս2011թ.            9 ամիս2012թ.

Կենտրոն                                             442300                        409100

Արաբկիր                                             345400                        339000

Քանաքեռ-Զեյթուն                               266700                        266100

Նոր-Նորք                                             225500                        229400

Ավան                                                   236800                        239100

Էրեբունի                                              234900                        236300

Շենգավիթ                                            230100                        235000

Դավթաշեն                                           258200                        259900

Աջափնյակ                                           223100                        226700

Մալաթիա-Սեբաստիա                         222600                       225000

Նուբարաշեն                                         147500                       140300

Միջինը Երևանում(բացի Նորք-Մարաշից) 257600                  255100

Մարզերում, բացառությամբ Երևանը, 2012-ի 9 ամիսներին վաճառվել են 3069 բնակարաններ, որոնց քանակը 2011-ի նույն ժամանակահատվածի համեմատ աճել է 1,3 տոկոսով, իսկ միջին գներն էլ` 4,9 տոկոսով:

Երեւանից հետո, ամենաթանկ բնակարանները 2012-ի հունվար-սեպտեմբերին եղել են Ծաղկաձորում, որտեղ 1 քմ մակերեսի շուկայական գինը կազմել է ավելի քան 293 հազար դրամ: Երկրորդը Արամվիրն է` 177 հազար դրամ, Վաղարշապատում (Էջմիածնում) եւ Աբովյանում 151 հազար դրամ 1 քմ դիմաց: Ապա գալիս են Նոր Հաճնը` 128 հազար դրամ, Եղեգնաձորը 118 հազար դրամ, Գորիսը` 115 հազար, Իջեւանը` 112 հազար դրամ, Աշտարակը` 110 հազար դրամ 1 քմ դիմաց ցուցանիշներով:

2012-ի հունվար-սեպտեմբերին Հայաստանում գրանցվել է անհատական տների առքուվաճառքի 3437 գործարք, որից 987-ը` Երեւանում: Մայրաքաղաքում անհատական տների առքուվաճառքի գործարքների քանակը աճել է 2,7 տոկոսով, իսկ մարզերում` նվազել 8,6 տոկոսով:

Միջինացված` 250 քմ շինության մակերես եւ 400 քմ տնամերձ ունեցող անհատական տների 1 քմ-ի միջին գները (ներառյալ տնամերձի միավորի գինը) 2012-ի 9 ամիսներին 2011-ի նույն ժամանակահատվածի համեմատ նվազել են 0,3 տոկոսով: Ըստ Երեւանի վարչական շրջանների, գներն այսպիսին են եղել.



Վարչական շրջաններ                             Միջին  գները(դրամ)

                                                         9 ամիս2011թ.    9 ամիս2012թ.

Կենտրոն                                               462900               461700

Արաբկիր                                               373500               368200

Քանաքեռ-Զեյթուն                                 277800               278300

Նորք-Մարաշ                                         282700               304800

Ավան                                                     244100               256300

Էրեբունի                                                240700               225300

Շեն•ավիթ                                               241100               242900

Դավթաշեն                                             271500               261300

Աջափնյակ                                             236700               238000

Մալաթիա-Սեբաստիա                           232900               224800

Նուբարաշեն                                           150000               144600

Միջինը Երեւանում(բացիՆորՆորքից)     274000               273300

Մարզերում միջինացված են 200 քմ շինության եւ 1000 քմ տնամերձ մակերեսով անհատական տների վերաբերյալ գները: Այստեղ միջին գները 2012-ի հունվար-սեպտեմբերին 2011-ի հունվար-սեպտեմբերի համեմատ աճել են 0,7 տոկոսով: Ամենաթանկ անհատական տները դարձյալ Ծաղկաձորում են` 1 քմ-ն 304 հազար դրամ: Ապա Վաղարշապատն ու Աբովյանը` որտեղ 1 քմ-ն կազմել է 149 հազար դրամ: Հաջորդ Աշտարակն է` 132 հազար դրամ, Նոր Հաճնը 128 հազար դրամ, Գորիսը 126 հազար դրամ, Բյուրեղավանը, Ջերմուկը, Իջեւանը` 120 հազար դրամ, Գյումրին` 116 հազար դրամ, Եղվարդը` 115 հազար դրամ 1 քմ դիմաց:

Հողի շուկայում հետեւյալ պատկերն է` 2012-ի հունվար-սեպտեմբեր ամիսներին 2011-ի նույն ժամանակահատվածի համեմատ, հողերի առուվաճառքի գործարքների քանակն նվազել է 9,2 տոկոսով, աճուրդով վաճառքներինը` 33,9 տոկոսով: Ընդ որում, Երեւանում աճել է 4,7 անգամ, իսկ մարզերում միասին վերցրած նվազել` 36,8 տոկոսով:

Այս տարվա առաջին 9 ամիսներին իրականացվել են հիփոթեքային գրավադրման 976 գործարքներ, որից 604-ը` Երեւանում: Հիփոթեքային գրավադրման գործարքներից 83,6 տոկոսն իրականացվել են բազմաբնակարան բնակելի շենքերի բնակարանների, 10,3 տոկոսը` անհատական բնակելի տների, մնացածը հասարակական նշանակության օբյեկտների, այգետնակների եւ հողերի նկատմամբ: 2011-ի 9 ամիսների համեմատ, հիփոթեքային գրավադրման գործարքների քանակը նվազել է 43,1 տոկոսով, ընդ որում, Երեւանում` 52,4 տոկոսով, մարզերում` 16,4 տոկոսով:

Այսպիսով, 2012-ի 9 ամիսներին Հայաստանի անշարժ գույքի շուկան գնային առումով էական փոփոխություններ չի ունեցել, իսկ գործարքների քանակի առումով` հիմնականում նվազել:


 



1-5 | 6-10 | 11-15 | 16-20 | 21-25 | 26-30 | 31-35 | 36-40 | 41-45 | 46-50 | 51-55 | 56-60 | 61-65 | 66-70 | 71-75 | 76-80 | 81-85 | 86-90 | 91-95 | 96-100 | 101-105 | 106-110 | 111-115 | 116-120 | 121-125 | 126-130 | 131-135 | 136-140 | 141-145 | 146-150 | 151-155 | 156-160 | 161-165 | 166-170 | 171-175 | 176-180 | 181-185 | 186-190 | 191-195 | 196-200 | 201-205 | 206-210 | 211-215 | 216-220 | 221-225 | 226-230 | 231-235 | 236-240 | 241-245 | 246-250 | 251-255 | 256-260 | 261-265 | 266-270 | 271-275 | 276-280 | 281-285 | 286-290 | 291-295 | 296-300 | 301-305 | 306-310 | 311-315 | 316-318

Նախագծի մասին  |  Կայքի պայմանները  |  Հայտարարությունների տեղադրումը  |  Գովազդի գները  |  Հետադարձ կապ
"CITY" STUDIO Made in "CityStudio".   © Copyright by REA.AM 2009-2019.
Բոլոր իրավունքները պաշտպանված են: