REA.AM - ՀԱՅՏԱՐԱՐՈՒԹՅՈՒՆՆԵՐԻ ԿԱՅՔ :: ԱՆՇԱՐԺ ԳՈՒՅՔ
REA.AM - ՀԱՅՏԱՐԱՐՈՒԹՅՈՒՆՆԵՐԻ ԿԱՅՔ
REA.AM - ՀԱՅՏԱՐԱՐՈՒԹՅՈՒՆՆԵՐԻ ԿԱՅՔ
ԱՆՇԱՐԺ ԳՈՒՅՔ ՇԱՐԺԱԿԱՆ ԳՈՒՅՔ ԱՇԽԱՏԱՆՔ ԾԱՌԱՅՈՒԹՅՈՒՆՆԵՐ
 
հայերենenglishрусский
  Էլ. փոստ
. . .
 
Որոնում     Ընդլայնված որոնում
Ծածկանուն 
Գաղտնաբառ 

Գրանցվել
Մոռացե՞լ եք գաղտնաբառը
 
. . .
Նորություններ

1-5 | 6-10 | 11-15 | 16-20 | 21-25 | 26-30 | 31-35 | 36-40 | 41-45 | 46-50 | 51-55 | 56-60 | 61-65 | 66-70 | 71-75 | 76-80 | 81-85 | 86-90 | 91-95 | 96-100 | 101-105 | 106-110 | 111-115 | 116-120 | 121-125 | 126-130 | 131-135 | 136-140 | 141-145 | 146-150 | 151-155 | 156-160 | 161-165 | 166-170 | 171-175 | 176-180 | 181-185 | 186-190 | 191-195 | 196-200 | 201-205 | 206-210 | 211-215 | 216-220 | 221-225 | 226-230 | 231-235 | 236-240 | 241-245 | 246-250 | 251-255 | 256-260 | 261-265 | 266-270 | 271-275 | 276-280 | 281-285 | 286-290 | 291-295 | 296-300 | 301-305 | 306-310 | 311-315 | 316-318

30/11/2013
Դեկտեմբերի 2-ին Երևանում մի քանի փողոցներ որոշ ժամանակով փակ կլինեն տրանսպորտի համար


Ճանապարհային ոստիկանությունը տեղեկացնում է վարորդներին, որ դեկտեմբերի 2-ին, արարողակարգային անհրաժեշտությամբ պայմանավորված, երթևեկությունը մայրաքաղաքում կկազմակերպվի հատուկ գրաֆիկով, իսկ մի քանի փողոցներ որոշ ժամանակով փակ կլինեն տրանսպորտի համար:

<Վարորդներին հորդորում ենք հստակ կատարել ճանապարհային ոստիկանների պահանջները, ձեռնպահ մնալ հատկապես կենտրոնական փողոցներով երթևեկելուց, պահպանել ճանապարհային երթևեկության, ինչպես և համակեցության կանոնները, փոխադարձ հարգանքով վերաբերվել միմյանց ու երթևեկության կարգավորման պատասխանատուներին:

Երթևեկության բոլոր մասնակիցների ներողամտությունն ենք հայցում հնարավոր անհարմարավետության համար՝ համոզված, որ մեր համաքաղաքացիներն ըմբռնումով կմոտենան որոշակի դեպքերում երթևեկության կազմակերպման առանձնահատկություններին և օրինահարգ պահվածքով կաջակցեն պատկան մարմիններին>, ասված է հաղորդագրության մեջ:



Տեղեկացվում է նաեւ, որ դեկտեմբերի 2-ին Երևանի Նալբանդյան-Իսահակյան փողոցների խաչմերուկի հարակից տարածքում հուշարձանի բացման հետ կապված` առավոտյան ժամը 7.00-ից մինչև ժամը 10.30-ը ժամանակավորապես դադարեցվելու է երթևեկությունը հետևյալ ճանապարհահատվածներում. Նալբանդյան-Կորյուն խաչմերուկից մինչև Նալբանդյան-Սայաթ Նովա խաչմերուկն ընկած ճանապարհահատվածը, Իսահակյան-Աբովյան խաչմերուկից մինչև Իսահակյան-Նալբանդյան խաչմերուկ, Մոսկովյան փողոցը` Նալբանդյան-Մոսկովյան խաչմերուկից մինչև Մոսկովյան-Աբովյան խաչմերուկ, Խանջյան փողոցը` Մոսկովյան-Նալբանդյան խաչմերուկից մինչև Խանջյան-Սայաթ Նովա խաչմերուկ:



27/11/2013
Բացառիկ հանրային գերակա շահ Երեւանի Կոզեռն թաղամասում


Կառավարությունը, նոյեմբերի 28-ի նիստում, Երեւան քաղաքի Պռոշյան եւ Դեմիրճյան փողոցներին եւ Սիրահարների զբոսայգուն հարող, Կոզեռն կոչվող տարածքի նկատմամբ բացառիկ գերակա շահ ճանաչելու մասին որոշում ընդունեց:



Համաձայն Երեւանի քաղաքապետարանի ներկայացրած հիմնավորման, այդ տարածքում քաղաքաշինական ծրագրի իրականացմամբ Երեւանի կենտրոնից կվերանա ներկայումս առկա խառը, անկանոն կառուցապատումը` տարերայնորեն տեղակայված ոչ սեյսմակայուն, հին եւ խարխուլ շինություններով, որի փոխարեն նախատեuվում է բազմաֆունկցիոնալ կառուցապատում: Որոշ հատվածներում, կառուցապատման ծրագրերի շրջանակներում, uտեղծվելու են uտորգետնյա ավտոկայանատեղեր, կանաչապատ տարածքներ, խաղահրապարակներ, ինչպեu նաեւ հիմնովին նորացվելու են ինժեներատեխնիկական ենթակառուցվածքները: Նախատեսվում է, որ առկա բնակարանային ֆոնդին մի քանի անգամ գերազանցող նոր բնակարանային ֆոնդի կկառուցվի, իսկ կառուցվող ստորգետնյա ավտոկայանատեղերը հնարավորություն կընձեռեն նվազեցնելու Երեւան քաղաքի կենտրոնում փողոցների ծանրաբեռնվածությունը:



Որոշման նախագծով այդ տարածքի ձեռք բերող է հանդիuանում "Լոկալ Դիվելոփըրզ" ընկերությունը, որը նախկինում եւս ճանաչվել է ձեռք բերող, բայց չի իրականացրել իրացման եւ կառուցապատման աշխատանքներ: Այս անգամ uեփականության oտարման գործընթացն uկuելու վերջնական ժամկետը 2015 թվականի հունվարի 1-ն է:



Բացառիկ հանրային գերակա շահ ճանաչված տարածն ընդգրկում է հետեւյալ հասցեները` Պռոշյան 1-ին փակուղի տուն 1,  1/3,  2,  3,  3/4,  3/8,  3/9,  3/10,  7,  9,  9/1,  14,  14/3,  19,  20,  20/3,  36,  40, 54,  54/2,  58,  58/5,  60,  62/3,  70, 70/2,  72,  74,  Պռոշյան 1-ին նրբանցք տուն 2,  3,  3/5,  3/14,  7,  11/6, 14,  14/2,  14/5,  19,  19/2,  20,  21,  24,  24/1,  26/1,  28/1,  30/1,  30/2,  36,  36ա,  39/3,  39/4,  39/7,  42,  42/1,  42/2,  44,  48,  52,  52/1,  54,  56,  58,  58/1,  58/2,  58/3,  58/5,  60,  60/3,  62,  62/1,  62/2,  62/3, 62/4,  70,  70/2, 70/3,  70/4,  72,  74,  74/3,  Պռոշյան փողոց թիվ 3/1,  3/2,  3/4,  5,  5/1,   5ա,  5/4,  9,  9բ, 9/1,  9/4,  11,  11 եւ  11ա,  11/6,  35,  35/1,  35/2,  37,  39,  39/1,  41,  45,  47,  62,  125, Դեմիրճյան 40/9/:



Կառուցապատման այս ծրագրի իրագործումը կաշխուժացնի Հայաստանի շինարարության ոլորտն ու անշարժ գույքի շուկան:



15/11/2013
Նոր արագաչափեր Երեւանում նոյեմբերի 25-ից


Ինչպես տեղեկացանք ճանապարհային ոստիկանությունից, 2013 թվականի նոյեմբերի 25-ից գործարկվելու են Երևան քաղաքի Սեբաստիա (2 արագաչափ` երկու ուղղություններով), Րաֆֆու (2 արագաչափ` երկու ուղղություններով) և Խանջյան (1 արագաչափ՝ Խանջյան-Տիգրան Մեծի փողոցների խաչմերուկից դեպի Խանջյան-Թումանյան փողոցների խաչմերուկ ուղղությամբ) փողոցներում նոր տեղադրված արագաչափ սարքերը, որտեղ երթևեկության համար թույլատրելի առավելագույն արագությունը 60 կմ/ժ է:


04/11/2013
ԱՊՊԱ կանոնների փոփոխություններ նոյեմբերի 11-ից


Ինչպես տեղեկացանք Հայաստանի ավտոապահովագրողների բյուրոյից, Հայաստանի Հանրապետության կենտրոնական բանկի կողմից 2013 թ.-ի հոկտեմբերի 29-ին գրանցվել են Բյուրոյի խորհրդի կողմից հաստատված "ԱՊՊԱ ոլորտում ապահովագրական պատահարի հետեւանքով տուժողի առողջությանը պատճառված վնասների գծով բժշկի ցուցումով բուժման շարունակականության (ամբուլատոր-ռեաբիլիտացիոն բուժման) ապահովմանն ուղղված միջոցառումների հետ կապված եւ այլ ծախսերի հատուցման ենթակա սահմանաչափերը եւ այդ ծախսերի անհրաժեշտության, հիմնավորվածության եւ փաստացի ապացուցվածության չափանիշների" RL 1-031 կանոնների հետեւյալ փոփոխությունները եւ լրացումները.



1. կոտրվածքները բաժանվել են երկու խմբի`




  • ողնաշարի, ազդրոսկրի, մեծ ոլոքի կոտրվածքներ, կոնքազդրային հոդի եւ ծնկահոդի ներհոդային կոտրվածքներ (ամբուլատոր-ռեաբիլիտացիոն բուժման առավելագույն ժամկետըՙ 6 ամիս),


  • այլ կոտրվածքներ (ամբուլատոր-ռեաբիլիտացիոն բուժման առավելագույն ժամկետը` 4 ամիս)



2. ավելացվել է այրվածքների խումբը`




  • այրվածքներ առանց սպիացման եւ ֆունկցիայի խանգարման (ամբուլատոր-ռեաբիլիտացիոն բուժման առավելագույն ժամկետը` 2 ամիս),


  • այլ այրվածքներ (ամբուլատոր-ռեաբիլիտացիոն բուժման առավելագույն ժամկետը` 12 ամիս)



 RL 1-031 կանոններում կատարված փոփոխությունները եւ լրացումներն ուժի մեջ են մտնելու 2013 թվականի նոյեմբերի 11-ին



28/10/2013
Անշարժ գույքի գներն Հայաստանում անփոփոխ են մնացել նաեւ սեպտեմբերին


Անշարժ գույքի կադաստրի պետական կոմիտեի` շուկայի վերլուծության տվյալների համաձայն, 2013-ի սեպտեմբերին, Հայաստանի անշարժ գույքի շուկայում իրականացվել է 16632 գործարք, ինչը 3,3 տոկոսով ցածր է նախորդ ամսվա` օգոստոսի եւ 28,4 տոկոսով` 2012-ի սեպտեմբերի գործարքների համեմատ:

Օտարման գործարքների քանակը սեպտեմբերին օգոտոսի համեմատ նվազել է 11,5 տոկոսով, իսկ անցյալ տարվա սեպտեմբերի համեմատ` աճել 11,2 տոկոսով: 4040 օտարման գործարքներից առքուվաճառքներինը կազմել է 72,2 տոկոսը: Մնացածը նվիրատվություններն ու փոխանակություններն են: Անշարժ գույքի օտարման գործարքների քանակի 43,9 տոկոսն արձանագրվել է Երեւան քաղաքում: Երեւանում առքուվաճառքի գործարքների 61,4 տոկոսն արձանագրվել է բազմաբնակարան շենքերի բնակարանների նկատմամբ: 2013-ի օգոստոսի համեմատ, սեպտեմբերին բնակարանների առքուվաճառքի գործարքների քանակը Երեւանում նվազել է 9,7 տոկոսով, իսկ նախորդ տարվա սեպտեմբերի համեմատ աճել 49,7 տոկոսով:

Բնակարանների շուկայական միջին գները Երեւանում այս տարվա սեպտեմբերին օգոստոսի համեմատ աննշան աճ են ունեցել: Ըստ վարչական շրջանների, Երեւանում բնակարանների 1 քմ մակերեսի միջին շուկայական գները այսպիսին են եղել.



     Վարչական շրջաններ                                             Միջին գները

                                                                                      (դրամ)

                                                         սեպտեմբեր       սեպտեմբեր       օգոստոս   



                                                               2012թ.             2013թ.             2013թ.

Կենտրոն                                                418200            428000             428000

Արաբկիր                                                346100            356600             356500

Քանաքեռ-Զեյթուն                                  274200             282400             282400

Նոր-Նորք                                               237000             251300             251000

Ավան                                                    246550             259500              259200

Էրեբունի                                                240000             249000              249000

Շենգավիթ                                              243500             255100              255100

Դավթաշեն                                             266200             275000              274500

Աջափնյակ                                             234000             248100              248100

Մալաթիա-Սեբաստիա                           231300              241300              241100

Նուբարաշեն                                          141000              152500              152200

            

Մարզերում, բացառությամբ Երեւանը, սեպտեմբերին վաճառվել են 415 բնակարաններ, որոնց քանակը օգոստոսի համեմատ նվազել է 1,7 տոկոսով, իսկ 2012-ի սեպտեմբերի համեմատ` աճել 1,7 տոկոսով: Գներն այստեղ սեպտեմբերին օգոստոսի համեմատ աննշան աճ են ունեցել:

Երեւանից հետո, ամենաթանկ բնակարանները սեպտեմբերին եղել են Ծաղկաձորում, որտեղ 1 քմ մակերեսի շուկայական գինը կազմել է 292 հազար դրամ: Աբովյանում 1 քմ  գինը 155 հազար հազար դրամ է կազմել, Վաղարշապատում (Էջմիածնում)` 154 հազար դրամ, Նոր Հաճընում` 128 հազար դրամ, Եղեգնաձորում` 124 հազար դրամ, Արմավիրում եւ Գորիսում ` 121 հազար դրամ, Իջեւանում 118 հազար դրամ 1 քմ դիմաց ցուցանիշներով:

2013-ի սեպտեմբերին Հայաստանում գրանցվել է անհատական տների առքուվաճառքի 451 գործարք, որից 121-ը` Երեւանում: Մայրաքաղաքում անհատական տների առքուվաճառքի գործարքների քանակը 2013-ի օգոստոսի համեմատ նվազել է 16,6 տոկոսով, իսկ մարզերում` աճել 1,5 տոկոսով: 2012-ի սեպտեմբերի համեմատ անհատական բնակելի տների առուվաճառքի գործարքների քանակը Երեւանում աճել է 24,7 տոկոսով, իսկ մարզերում` 26,9 տոկոսով:

Միջինացված` 250 քմ շինության մակերես եւ 400 քմ տնամերձ ունեցող անհատական տների 1 քմ-ի միջին գները (ներառյալ տնամերձի միավորի գինը) Երեւանում 2012-ի սեպտեմբերին օգոստոսի համեմատ մնացել են անփոփոխ: Ըստ Երեւանի վարչական շրջանների, գների պատկերը հետեւյալն է եղել.



Վարչական շրջաններ                                          Միջին գները

                                                                                 (դրամ)

                                                    սեպտեմբեր       սեպտեմբեր        օգոստոս



                                                       2012թ                 2013թ.              2013թ.

Կենտրոն                                        466800                476100              476100

Արաբկիր                                        374500                383000              383000

Քանաքեռ-Զեյթուն                           284100                295000              295000

Նորք-Մարաշ                                  310700                319200              319200

Ավան                                             263800                 270500              270500

Էրեբունի                                        230000                 239500              239500

Շենգավիթ                                      248000                 255000              255000

Դավթաշեն                                     266100                 276000              276000

Աջափնյակ                                     241000                 250050              250050

Մալաթիա-Սեբաստիա                   230300                  238000              238000

Նուբարաշեն                                  144500                  150500              150500

            

Մարզերում միջինացված են 200 քմ շինության եւ 1000 քմ տնամերձ մակերեսով անհատական տների վերաբերյալ գները: Այստեղ միջին գները սեպտեմբերին օգոստոսի համեմատ դարձյալ անփոփոխ են: Ամենաթանկ անհատական տները Երեւանից հետո Ծաղկաձորում են` 1 քմ-ն 305 հազար դրամ: Երկրորդը Աբովյանն է 1 քմ-ն 157 հազար դրամ, երրորդը Վաղարշապատը, որտեղ 1 քմ-ն կազմել է 153 հազար դրամ: Ապա գալիս են Աշտարակը` 136 հազար դրամ, Ջերմուկը` 131 հազար դրամ, Գորիսը` 130 հազար դրամ, Նոր Հաճնը` 129 հազար դրամ, Իջեւանը` 123 հազար դրամ, Բյուրեղավանը` 120 հազար դրամ 1 քմ դիմաց:

Հողի շուկայում հետեւյալ պատկերն է` 2013-ի սեպտեմբերին 2012-ի սեպտեմբերի համեմատ, հողերի առուվաճառքի գործարքների քանակն նվազել է 8,4 տոկոսով, աճուրդով վաճառքներինը` 35,5 տոկոսով:

2013-ի սեպտեմբերին օգոստոսի համեմատ, անշարժ գույքի վարձակալության գործարքների քանակը նվազել է 5,4 տոկոսով, իսկ 2012-ի սեպտեմբերի համեմատ` 7,2 տոկոսով:

Սեպտեմբերին իրականացվել են հիփոթեքային գրավադրման 161 գործարքներ, որից 102-ը` Երեւանում: Օգոստոսի համեմատ, հիփոթեքային գրավադրման գործարքների քանակը Երեւանում նվազել է 16,6 տոկոսով, իսկ մարզերում` աճել 34,1 տոկոսով: 2012-ի սեպտեմբերի համեմատ, հիփոթեքային գրավադրման գործարքների քանակը Երեւանում աճել է 52,2 տոկոսով, իսկ մարզերում` 59,5 տոկոսով:

Այսպիսով, անշարժ գույքի գները շարունակել են անփոփոխ մնալ նաեւ սեպտեմբերին, իսկ գործարքների քանակը թեեւ որոշ ավելացել է, բայց կոնկրետ օտարման գործարքները սեպտեմբերին օգոստոսի համեմատ պակասել են:


 



1-5 | 6-10 | 11-15 | 16-20 | 21-25 | 26-30 | 31-35 | 36-40 | 41-45 | 46-50 | 51-55 | 56-60 | 61-65 | 66-70 | 71-75 | 76-80 | 81-85 | 86-90 | 91-95 | 96-100 | 101-105 | 106-110 | 111-115 | 116-120 | 121-125 | 126-130 | 131-135 | 136-140 | 141-145 | 146-150 | 151-155 | 156-160 | 161-165 | 166-170 | 171-175 | 176-180 | 181-185 | 186-190 | 191-195 | 196-200 | 201-205 | 206-210 | 211-215 | 216-220 | 221-225 | 226-230 | 231-235 | 236-240 | 241-245 | 246-250 | 251-255 | 256-260 | 261-265 | 266-270 | 271-275 | 276-280 | 281-285 | 286-290 | 291-295 | 296-300 | 301-305 | 306-310 | 311-315 | 316-318

Նախագծի մասին  |  Կայքի պայմանները  |  Հայտարարությունների տեղադրումը  |  Գովազդի գները  |  Հետադարձ կապ
"CITY" STUDIO Made in "CityStudio".   © Copyright by REA.AM 2009-2019.
Բոլոր իրավունքները պաշտպանված են: