REA.AM - ՀԱՅՏԱՐԱՐՈՒԹՅՈՒՆՆԵՐԻ ԿԱՅՔ :: ԱՆՇԱՐԺ ԳՈՒՅՔ
REA.AM - ՀԱՅՏԱՐԱՐՈՒԹՅՈՒՆՆԵՐԻ ԿԱՅՔ
REA.AM - ՀԱՅՏԱՐԱՐՈՒԹՅՈՒՆՆԵՐԻ ԿԱՅՔ
ԱՆՇԱՐԺ ԳՈՒՅՔ ՇԱՐԺԱԿԱՆ ԳՈՒՅՔ ԱՇԽԱՏԱՆՔ ԾԱՌԱՅՈՒԹՅՈՒՆՆԵՐ
 
հայերենenglishрусский
  Էլ. փոստ
. . .
 
Որոնում     Ընդլայնված որոնում
Ծածկանուն 
Գաղտնաբառ 

Գրանցվել
Մոռացե՞լ եք գաղտնաբառը
 
. . .
Նորություններ

1-5 | 6-10 | 11-15 | 16-20 | 21-25 | 26-30 | 31-35 | 36-40 | 41-45 | 46-50 | 51-55 | 56-60 | 61-65 | 66-70 | 71-75 | 76-80 | 81-85 | 86-90 | 91-95 | 96-100 | 101-105 | 106-110 | 111-115 | 116-120 | 121-125 | 126-130 | 131-135 | 136-140 | 141-145 | 146-150 | 151-155 | 156-160 | 161-165 | 166-170 | 171-175 | 176-180 | 181-185 | 186-190 | 191-195 | 196-200 | 201-205 | 206-210 | 211-215 | 216-220 | 221-225 | 226-230 | 231-235 | 236-240 | 241-245 | 246-250 | 251-255 | 256-260 | 261-265 | 266-270 | 271-275 | 276-280 | 281-285 | 286-290 | 291-295 | 296-300 | 301-305 | 306-310 | 311-315 | 316-318

08/04/2014
Փետրվարին անշարժ գույքի գներն անփոփոխ են


Անշարժ գույքի կադաստրի պետական կոմիտեիՙ շուկայի վերլուծության տվյալների համաձայն, 2014-ի փետրվարին, Հայաստանի անշարժ գույքի շուկայում իրականացվել է 16874 գործարք, ինչը 67,5 տոկոսով բարձր է նախորդ ամսվաՙ հունվարի եւ 15,8 տոկոսովՙ 2013-ի փետրվարի գործարքների համեմատ։ Օտարման գործարքների քանակը փետրվարին հունվարին համեմատ աճել է 38,8 տոկոսով, իսկ անցյալ տարվա փետրվարի համեմատՙ 9,5 տոկոսով: 3992 օտարման գործարքներից առքուվաճառքներինը կազմել է 73,8 տոկոսը։ Մնացածը նվիրատվություններն ու փոխանակություններն են։ Անշարժ գույքի օտարման գործարքների քանակի 42,2 տոկոսն արձանագրվել է Երեւան քաղաքում, իսկ առքուվաճառքի գործարքների 56,8 տոկոսն արձանագրվել է բազմաբնակարան շենքերի բնակարանների նկատմամբ։ 2014-ի հունվարի համեմատ, փետրվարին բնակարանների առքուվաճառքի գործարքների քանակը Երեւանում աճել է 29,1 տոկոսով, իսկ նախորդ տարվա փետրվարի համեմատՙ 35,6 տոկոսով։



Բնակարանների շուկայական միջին գները Երեւանում այս տարվա փետրվարին հունվարի համեմատ մնացել են անփոփոխ։ Ըստ վարչական շրջանների, Երեւանում բնակարանների 1 քմ մակերեսի միջին շուկայական գները այսպիսին են եղել.



Վարչական շրջաններ                                            Միջին գները   (դրամ)



                                                     Փետրվար                 Փետրվար               
Հունվար            



                                                        2014թ.                      2014թ.                       2014թ.

Կենտրոն                                         424100                  428000                         428000

Արաբկիր                                         352100                 356600                         356600

Քանաքեռ-Զեյթուն                           280200                 282700                        282700

Նորք-Մարաշ                                  245100                 252000                         252000

Ավան                                              255000                  260000                        260000

Էրեբունի                                       245200                   250500                       250500

Շենգավիթ                                      251200                  256000                       256000

Դավթաշեն                                     269900                  275150                       275150

Աջափնյակ                                     243000                  249300                       249300

Մալաթիա-Սեբաստիա                   235600                  242000                      242000

Նուբարաշեն                                  146200                  145750                      145750



Մարզերում, բացառությամբ Երեւանը, փետրվարին վաճառվել են 396 բնակարաններ, որոնց քանակը հունվարի համեմատ աճել է 29,8 տոկոսով, իսկ 2013-ի փետրվարի համեմատՙ նվազել 1,2 տոկոսով։



Երեւանից հետո, ամենաթանկ բնակարանները փետրվարին եղել են Ծաղկաձորում, որտեղ 1 քմ մակերեսի շուկայական գինը կազմել է 292 հազար դրամ։ Աբովյանում 1 քմ գինը 155 հազար հազար դրամ է կազմել, Վաղարշապատում (Էջմիածնում)` 154 հազար դրամ, Նոր Հաճընում` 128 հազար դրամ, Եղեգնաձորում` 124 հազար դրամ, Արմավիրում եւ Գորիսում` 121 հազար դրամ, Իջեւանը 118 հազար դրամ 1 քմ դիմաց ցուցանիշներով։



2014-ի փետրվարին Հայաստանում գրանցվել է անհատական տների առքուվաճառքի 415 գործարք, որից 103-ըՙ Երեւանում։ Մայրաքաղաքում անհատական տների առքուվաճառքի գործարքների քանակը 2014-ի հունվարի համեմատ աճել է 60,9 տոկոսով, իսկ մարզերումՙ 23,8 տոկոսով։ 2013-ի փետրվարի համեմատ անհատական բնակելի տների առուվաճառքի գործարքների քանակը Երեւանում նվազել է 1 տոկոսով, իսկ մարզերում միասին վերցրած` ավելացել 5,8 տոկոսով։ Միջինացվածՙ 250 քմ շինության մակերես եւ 400 քմ տնամերձ ունեցող անհատական տների 1 քմ-ի միջին գները (ներառյալ տնամերձի միավորի գինը) 2014-ի փետրվարին հունվարին համեմատ մնացել են անփոփոխ։ Ըստ Երեւանի վարչական շրջանների, գներն այսպիսին են եղել.





Վարչական շրջաններ                                            Միջին գները



                                                                                       (դրամ)



                                             Փետրվար           Փետրվար          
Հունվար            

                                              2014թ.                  2014թ.               2014թ.



Կենտրոն                                  473000              476100             476100                              

Արաբկիր                                    379800             383000             383000                             

Քանաքեռ-Զեյթուն                      292300              295000            295000                       

Նորք-Մարաշ                             315500              319200            319200                           

Ավան                                         268250              270500            270500                             

Էրեբունի                                  237000               239500            239500                             

Շենգավիթ                                252500               255000           255000                               

Դավթաշեն                               273200               276000            276000                              

Աջափնյակ                               247000               250050            250050                     

Մալաթիա-Սեբաստիա             235600             238000              238000             

Նուբարաշեն                           148000               150500             150500                            



Ծաղկաձորում ենՙ 1 քմ-ն 305 հազար դրամ։ Երկրորդը Աբովյանն է 1 քմ-ն 157 հազար դրամ, երրորդը Վաղարշապատը, որտեղ 1 քմ-ն կազմել է 153 հազար դրամ։ Ապա գալիս են Աշտարակը 136 հազար դրամ, Ջերմուկը` 131 հազար դրամ, Գորիսը` 130 հազար դրամ, Նոր Հաճնը` 129 հազար դրամ, Իջեւանըՙ 123 հազար դրամ, Բյուրեղավանը` 120 հազար դրամ 1 քմ դիմաց:



Հողի շուկայում հետեւյալ պատկերն էՙ 2014-ի փետրվարին 2013-ի փետրվարի համեմատ, հողերի առուվաճառքի գործարքների քանակն աճել է 0,7 տոկոսով, աճուրդով վաճառքներինը` 33,3 տոկոսով։



2014-ի փետրվարին, 2013-ի հունվարի համեմատ, անշարժ գույքի վարձակալության գործարքների քանակը աճել է 77,3 տոկոսով, իսկ 2013-ի փետրվարի համեմատ` 9,4 տոկոսով:



Փետրվարին իրականացվել են հիփոթեքային գրավադրման 166 գործարք, որից 121-ը` Երեւանում: Հունվարի համեմատ, հիփոթեքային գրավադրման գործարքների քանակը Երեւանում աճել է 3,4 անգամ, իսկ մարզերում` 32,4 տոկոսով: 2013-ի փետրվարի համեմատ, հիփոթեքային գրավադրման գործարքների քանակը Երեւանում աճել է 95,2 անգամ, իսկ մարզերում` 12,5 տոկոսով:



Այսպիսով, անշարժ գույքի շուկայում փետրվարին գները մնացել են անփոփոխ, սական գործարքների քանակը նկատելիորեն աճել է: 



 



25/03/2014
Նոր արագաչափ Երեւանում մարտի 31-ից


Ինչպես տեղեկացանք ճանապարհային  ոստիկանությունից, մարտի 31-ից գործարկվելու է Երեւան քաղաքի Կոմիտաս-Վրացական խաչմերուկից դեպի Կոմիտաս-Փափազյան խաչմերուկի ուղղությամբ տեղադրված արագաչափ սարքը, որտեղ թույլատրելի արագությունը 60 կմ/ժ է:



2014 թ. մարտի 31-ից գործարկվելու է Մ-3 «Մարգարա-Վանաձոր-Տաշիր-Վրաստանի Հանրապետության սահման» միջպետական նշանակության ավտոճանապարհի 26.2-րդ կմ հատվածում (Արմավիրի մարզի Շահումյան գյուղի վարչական տարածք) տեղադրված արագաչափ սարքը (երկու ուղղություններով), որտեղ երթևեկության համար թույլատրելի առավելագույն արագությունը 60 կմ/ժ է: - See more at: http://www.police.am/news/view/%D5%B4%D5%AB%D5%BB%D5%BA%D5%A5%D5%BF%D5%A1%D5%AF%D5%A1%D5%B6-%D5%B6%D5%B7%D5%A1%D5%B6%D5%A1%D5%AF%D5%B8%D6%82%D5%A9%D5%B5%D5%A1%D5%B6-%D5%A1%D5%BE%D5%BF%D5%B8%D5%B3%D5%A1%D5%B6%D5%A1%D5%BA%D5%A1%D6%80%D5%B0%D5%B6%D5%A5%D6%80%D5%AB%D5%B6-%D5%A1%D6%80%D5%A1%D5%A3%D5%A1%D5%B9%D5%A1%D6%83-%D5%BD%D5%A1%D6%80%D6%84%D5%A5%D6%80%D5%AB-%D5%BF%D5%A5%D5%B2%D5%A1%D5%A4%D6%80%D5%B4%D5%A1%D5%B6-%D5%A1%D5%B7%D5%AD%D5%A1%D5%BF%D5%A1%D5%B6%D6%84%D5%B6%D5%A5%D6%80%D5%A8-%D5%B7%D5%A1%D6%80%D5%B8%D6%82%D5%B6%D5%A1%D5%AF%D5%BE%D5%B8%D6%82%D5%B4-%D5%A5%D5%B6.html#sthash.Gr2FnSZA.dpuf


19/03/2014
Հայաստանում մեքենաների համարանիշների թվերն ու տառերը կմեծացվեն


ՀՀ կառավարության այսօր ընդունած որոշմամբ ճանապարհային ոստիկանության կողմից հատկացվող հաշվառման համարանիշերում օգտագործվող տառերի եւ թվերի գրելատեսակները կհամապատասխանեցվեն միջազգային նոր չափորոշիչներին, կլինեն առավել ընթեռնելի, իսկ համարանիշերի չափերըՙ ավելի հարմար օգտագործման համար: Համարանիշերում կօգտագործվի նաեւ Հայաստանի Հանրապետության դրոշի պատկերը:



Կառավարության նախկին որոշմամբ սահմանված առաջին տեսակի հաշվառման համարանիշերում օգտագործվող տառերի չափը փոքր է թվերից եւ որոշ դեպքերում խնդիր է առաջացնում ընթեռնելիության առումով: Խնդիր են հարուցում նաեւ միմյանց բավական նման տառերըՙ O, Q, D, C, ինչպես նաեւ մոտոցիկլի համարանիշի մեծ վահանակները, կցորդների եւ կիսակցորդների երկար համարանիշերը:



Որոշմամբ ճանապարհային ոստիկանության կողմից հատկացվող հաշվառման համարանիշերում, մի քանի բացառությամբ, նախատեսվում է կիրառել Հայաստանի Հանրապետության դրոշի պատկերը, օգտագործել տառերի եւ թվերի առավել ընթեռնելի գրելատեսակներ, "սովորական երկար" համարանիշի տառերի չափը մեծացնել եւ հավասարեցնել թվերի չափին, "քառակուսի" համարանիշի վահանակների չափերը մեծացնելՙ մեծացնելով նաեւ օգտագործվող տառերն ու թվերը: Մոտոցիկլի համարանիշի վահանակները փոքրացվում են, սակայն մեծացվում են դրանցում օգտագործվող տառերի եւ թվերի չափերը, կցորդների եւ կիսակցորդների համար սահմանվում են նաեւ 520X112 մմ չափերի համարանիշեր:



10/03/2014
Փոփոխություններ Երեւանի Լենինգրադյան-Ծիծեռնակաբերդ ճանապարհի հատույթում. շահագործվում են տրանսպորտային նոր հանգույցն ու թունելը


ՃշԻնչպես տեղեկացանք ճանապարհային ոստիկանությունից, Լենինգրադյան-Ծիծեռնակաբերդ ճանապարհի հատույթում ճանապարհային երթևեկությունը պատշաճ կերպով կազմակերպելու նպատակով մինչև շինարարական աշխատանքների վերջնական ավարտը մարտի 11-ից ժամանակավոր շահագործվում է տարբեր հարթությունների վրա կառուցված տրանսպորտային հանգույցները և թունելը: Տրանսպորտային հանգույցը կահավորված է կողմնորոշման ճանապարհային նշաններով: Հանգույցից կարելի է օգտվել հետևյալ ուղղություններով երթևեկելու համար.



1. Ծիծեռնակաբերդի խճուղուց ուղիղ երթևեկությամբ դեպի Շինարարների և Լենինգրադյան փողոցներ, Սեբաստիա և Հասրաթյան փողոցներ: 

2. Ծիծեռնակաբերդի խճուղուց աջ անցուղով դեպի Լենինգրադյան-Հալաբյան փողոցների խաչմերուկը, այնուհետև ուղիղ երթևեկությամբ դեպի Կիևյան փողոց, իսկ ձախ շարքից նաև Հալաբյան փողոց:

3. Կիևյան-Հալաբյան փողոցների խաչմերուկի կողմից դեպի տրանսպորտային հանգույց երթևեկող տրանսպորտային միջոցները աջ անցուղով երթևեկում են դեպի Լենինգրադյան փողոց, այնուհետև դեպի Շինարարներ, Սեբաստիա փողոցներ: 

Դեպի Ծիծեռնակաբերդի խճուղի երթևեկելու համար երթևեկում են դեպի տրանսպորտային նորակառույց թունել, թունելից անմիջապես հետո աջ անցուղով բարձրանում Լենինգրադյան փողոց և երթևեկում միայն աջ` դեպի Ծիծեռնակաբերդ կամ կրկին աջ երթևեկությամբ` դեպի Կիևյան փողոց: 

Շինարարների, Լենինգրադյան փողոցների կողմից տրանսպորտային հանգույցին մոտեցող տրանսպորտային միջոցները ուղիղ երթևեկում են միայն Ծիծեռնակաբերդի խճուղի, իսկ դեպի Կիևյան փողոց երթևեկելու համար աջ անցուղով իջնում են դեպի թունել և երթևեկում միայն աջ` դեպի Կիևյան փողոց:



01/03/2014
2014-ի հունվարին անշարժ գույքի շուկայում գներն անփոփոխ են մնացել


Անշարժ գույքի կադաստրի պետական կոմիտեի` շուկայի վերլուծության տվյալների համաձայն, 2014-ի հունվարին, Հայաստանի անշարժ գույքի շուկայում իրականացվել է 10073 գործարք, ինչը 44,9 տոկոսով պակաս է նախորդ ամսվա` 2013-ի դեկտեմբերի եւ 1,3 տոկոսով ավելի` 2013-ի հունվարի գործարքների համեմատ:

Օտարման գործարքների քանակը հունվարին դեկտեմբերի համեմատ նվազել է 36,7 տոկոսով, իսկ անցյալ տարվա հունվարի համեմատ` 7 տոկոսով: 2877 օտարման գործարքներից առքուվաճառքներինը կազմել է 76,8 տոկոսը: Մնացածը նվիրատվություններն ու փոխանակություններն են: Անշարժ գույքի օտարման գործարքների քանակի 41,4 տոկոսն արձանագրվել է Երեւան քաղաքում: Երեւանում առքուվաճառքի գործարքների 66,1 տոկոսն արձանագրվել է բազմաբնակարան շենքերի բնակարանների նկատմամբ: 2013-ի դեկտեմբերի համեմատ, հունվարին բնակարանների առքուվաճառքի գործարքների քանակը Երեւանում նվազել է 14,1 տոկոսով, իսկ նախորդ տարվա հունվարի համեմատ` աճել 31,6 տոկոսով:

Բնակարանների շուկայական միջին գները Երեւանում այս տարվա հունվարին դեկտեմբերի համեմատ աննշան` 0,04 աճ են ունեցել: Ըստ վարչական շրջանների, Երեւանում բնակարանների 1 քմ մակերեսի միջին շուկայական գները այսպիսին են եղել.

Վարչական շրջաններ                                 Միջին գները

                                                                             (դրամ)

                                            հունվար                հունվար               դեկտեմբեր

                                               2013թ.                    2014թ.                        2013թ.

 Կենտրոն                             422050                   428000                        428000

Արաբկիր                              350000                   356600                        356600

Քանաքեռ-Զեյթուն                279100                   282700                        282600

Նոր-Նորք                             243050                   252000                        252000

Ավան                                    255000                   260000                        260000

Էրեբունի                              243500                   250500                        250500

Շենգավիթ                            249100                   256000                        256000

Դավթաշեն                           269100                   275150                        275000

Աջափնյակ                           234050                   249300                        249300

Մալաթիա-Սեբաստիա        235000                   242000                        242000

Նուբարաշեն                        145100                   154750                        154600



Մարզերում, բացառությամբ Երեւանը, հունվարին վաճառվել են 305 բնակարաններ, որոնց քանակը դեկտեմբերի համեմատ նվազել է 38,5 տոկոսով, իսկ 2013-ի հունվարի համեմատ` աճել 1 տոկոսով: Գներն այստեղ հունվարին դեկտեմբերի համեմատ դարձյալ չնչին՝ 0,06 տոկոս աճ են ունեցել:

Երեւանից հետո, ամենաթանկ բնակարանները հունվարին եղել են Ծաղկաձորում, որտեղ 1 քմ մակերեսի շուկայական գինը կազմել է 292 հազար դրամ: Աբովյանում 1 քմ գինը 155 հազար հազար դրամ է կազմել, Վաղարշապատում (Էջմիածնում)` 154 հազար դրամ, Նոր Հաճընում` 128 հազար դրամ, Եղեգնաձորում` 124 հազար դրամ, Արմավիրում եւ Գորիսում` 121 հազար դրամ, Իջեւանում` 118 հազար դրամ, Մասիսում եւ Աշտարակում` 115 հազար դրամ 1 քմ դիմաց ցուցանիշներով:

2013-ի հունվարին Հայաստանում գրանցվել է անհատական տների առքուվաճառքի 316 գործարք, որից 64-ը` Երեւանում:  Մայրաքաղաքում անհատական տների առքուվաճառքի գործարքների քանակը 2013-ի դեկտեմբերի համեմատ նվազել է 59,5 տոկոսով, իսկ մարզերում` 32,3 տոկոսով: 2013-ի հունվարի համեմատ անհատական բնակելի տների առուվաճառքի գործարքների քանակը Երեւանում նվազել է 24,7 տոկոսով, իսկ մարզերում` աճել 10,5 տոկոսով:

Միջինացված` 250 քմ շինության մակերես եւ 400 քմ տնամերձ ունեցող անհատական տների 1 քմ-ի միջին գները (ներառյալ տնամերձի միավորի գինը) Երեւանում 2014-ի հունվարին 2013-ի դեկտեմբերի  համեմատ մնացել են անփոփոխ: Ըստ Երեւանի վարչական շրջանների, գների պատկերը հետեւյալն է եղել.



Վարչական շրջաններ                                            Միջին գները

                                                                                        (դրամ)

                                                       հունվար                հունվար              դեկտեմբեր

                                                        2013թ.                      2014թ.                       2013թ.

Կենտրոն                                        471100                      476100                       476100

Արաբկիր                                        378100                      383000                       383000

Քանաքեռ-Զեյթուն                          291100                      295000                       295000

Նորք-Մարաշ                                 314000                      319200                       319200

Ավան                                              267050                      270500                       270500

Էրեբունի                                        235000                      239500                       239500

Շենգավիթ                                      251000                      255000                       255000

Դավթաշեն                                     271700                      276000                       276000

Աջափնյակ                                     244100                      250050                       250050

Մալաթիա-Սեբաստիա                   234300                      238000                       238000

Նուբարաշեն                                  147600                       150500                      150500



Մարզերում միջինացված են 200 քմ շինության եւ 1000 քմ տնամերձ մակերեսով անհատական տների վերաբերյալ գները: Այստեղ միջին գները հունվարին դեկտեմբերի համեմատ դարձյալ անփոփոխ են: Ամենաթանկ անհատական տները Երեւանից հետո Ծաղկաձորում են` 1 քմ-ն 305 հազար դրամ: Երկրորդը Աբովյանն է 1 քմ-ն 157 հազար դրամ, երրորդը Վաղարշապատը, որտեղ 1 քմ-ն կազմել է 153 հազար դրամ: Ապա գալիս են Աշտարակը 136 հազար դրամ, Ջերմուկը` 131 հազար դրամ, Գորիսը` 130 հազար դրամ, Նոր Հաճնը` 129 հազար դրամ, Իջեւանը` 123 հազար դրամ, Բյուրեղավանը` 120 հազար դրամ, Գյումրին` 118 հազար դրամ 1 քմ դիմաց գներով:

Հողի շուկայում հետեւյալ պատկերն է` 2014-ի հունվարին 2013-ի դեկտեմբերի համեմատ, հողերի առուվաճառքի գործարքների քանակն նվազել է 27 տոկոսով, աճուրդով վաճառքներինը` 37,9 տոկոսով:

2014-ի հունվարին դեկտեմբերի համեմատ, անշարժ գույքի վարձակալության գործարքների քանակն նվազել է 42,6 տոկոսով, իսկ 2013-ի հունվարի համեմատ` 15 տոկոսով:

Հունվարին իրականացվել են հիփոթեքային գրավադրման 70 գործարքներ, որից 36-ը` Երեւանում: Դեկտեմբերի համեմատ, հիփոթեքային գրավադրման գործարքների քանակը Երեւանում նվազել է 70,5 տոկոսով, իսկ մարզերում` 50 տոկոսով: 2013-ի հունվարի համեմատ, հիփոթեքային գրավադրման գործարքների քանակը Երեւանում նվազել է 14,3 տոկոսով, իսկ մարզերում` աճել 33,3 տոկոսով:



Այսպիսով, 2014-ի առաջին ամսին եւս անշարժ գույքի շուկայում գները մնացել են անփոփոխ:



1-5 | 6-10 | 11-15 | 16-20 | 21-25 | 26-30 | 31-35 | 36-40 | 41-45 | 46-50 | 51-55 | 56-60 | 61-65 | 66-70 | 71-75 | 76-80 | 81-85 | 86-90 | 91-95 | 96-100 | 101-105 | 106-110 | 111-115 | 116-120 | 121-125 | 126-130 | 131-135 | 136-140 | 141-145 | 146-150 | 151-155 | 156-160 | 161-165 | 166-170 | 171-175 | 176-180 | 181-185 | 186-190 | 191-195 | 196-200 | 201-205 | 206-210 | 211-215 | 216-220 | 221-225 | 226-230 | 231-235 | 236-240 | 241-245 | 246-250 | 251-255 | 256-260 | 261-265 | 266-270 | 271-275 | 276-280 | 281-285 | 286-290 | 291-295 | 296-300 | 301-305 | 306-310 | 311-315 | 316-318

Նախագծի մասին  |  Կայքի պայմանները  |  Հայտարարությունների տեղադրումը  |  Գովազդի գները  |  Հետադարձ կապ
"CITY" STUDIO Made in "CityStudio".   © Copyright by REA.AM 2009-2019.
Բոլոր իրավունքները պաշտպանված են: